🛑आमदार नितेश राणेंच्या मतदार संघात त्यांना त्रास देणाऱ्यांना बदलण्याची मी.केलीय मागणी.;मंत्री केसरकर..

✍🏼लोकसंवाद /- सावंतवाडी.

युतीचा धर्म १०० टक्के पाळला जाईल, काही लोक आमदार नितेश राणे यांच्या कणकवली विधानसभा मतदारसंघात त्यांना त्रास देण्याच काम करत आहेत.त्यांना बदलण्याची मागणी करणार पत्र मी आमच्या पक्षाला दिलं आहे अशी माहिती शालेय शिक्षणमंत्री दीपक केसरकर यांनी पत्रकार परिषदेत दिली. ते म्हणाले,युतीचा धर्म हा पाळलाच पाहिजे. माझ्याशी कोण कसं वागत हे बघत नाही. माझ्याकडे संपूर्ण महाराष्ट्राची जबाबदारी आहे.प्रवक्ता म्हणून मी कार्यरत आहे.असे असताना माझ्या जिल्ह्यात युती धर्म हा पाळला गेला पाहिजे.त्यामुळे काही बदल मी सुचविलेले आहेत.इतर कोण असे करत असतली तर त्यांच्याबाबत काय निर्णय घ्यायचा हे त्यांच्या पक्षाने ठरवावं असही मंत्री केसरकर म्हणाले.

*लढा असा उभारणार की ती लोकं परत दिसणार नाहीत..*

जागा विकत घेण्याला माझा विरोध नाही. परंतु, १० रूपये द्यायचे अन १०० रूपयांवर सही घ्यायची हे चुकीचे आहे. मी हा लढा यापूर्वी देखील केलेला आहे. त्यामुळे असा लढा करणार की ती लोक पुन्हा जिल्ह्यात दिसणार नाहीत असा इशारा शालेय शिक्षणमंत्री दीपक केसरकर यांनी दिला. ते म्हणाले, मी टोकाला येईपर्यंत थांबतो. पण, एकदा टोकाला आलं की मग त्या लोकांना कशी जागा दाखावायची हे मला चांगलंच ठाऊक आहे.असा संघर्ष मी करतो तेव्हा संपूर्ण सिंधुदुर्गवासीय माझ्यामागे ठामपणे एकजुटीने आहेत.

आंबोली , गेळे या जमिनीच्या वाटपाचा प्रश्न जवळपास संपुष्टात आला आहे. आता चौकुळ गावच्या जमीन वाटपाचा प्रश्नही निकाली काढला आहे. तिन्ही गावच्या जमिनीत वाटपाबाबत आचारसंहितेपूर्वी कार्यवाही केली जाणार आहे. आंबोली येथील वहिवाटीच्या जमिन वाटपाबाबत स्थानिक कमिटीला निर्णय देण्यात आला आहे. त्यामुळे आता लवकरच हा प्रश्न कायमचा सुटणार आहे. मल्टी स्पेशालिटी हॉस्पिटलचा प्रश्नही लवकरच सोडवला जाईल. सावंतवाडी एसटी बस स्थानक बीओटी तत्त्वावर आता उभारले जाणार आहे. त्यासाठी नवनियुक्त अध्यक्ष गोगावले यांना सावंतवाडीत आणण्यात येणार आहे. तिलारी येथील वन टाइम सेटलमेंट केले जाईल.

सासोली जमिनीचा प्रश्न मी लवकरच सोडवणार आहे. लँड माफिया कोण आहेत त्यांचे फोटो माजी नगराध्यक्ष संजू परब यांनी दाखवावेत असेही ते म्हणाले जे झोपेचे सोंग घेत आहेत त्यांना जागे करता येत नाही मात्र झोपलेल्याना उठवता येतं . मात्र जे काहीच करत नाहीत आणि फक्त वृत्तबाजी करतात असे माजी आमदार राजन तेली आहेत अशी टीका केसरकरांनी पत्रकार परिषदेत केली.