🛑 कुंब्रल येथील युवकाची विष प्राशन करून आत्महत्या..

✍🏼लोकसंवाद /- दोडामार्ग.

कुंब्रल-वरचीवाडी येथील महादेव आनंद सावंत या २० वर्षीय युवकाने विष पिऊन आत्महत्या केल्याची घटना गुरुवारी घडली.दोडामार्ग शहरात राहत असलेल्या आपल्या फ्लॅटमध्ये त्याने ही आत्महत्या केली.याबाबत अधिक माहिती अशी की, कुंब्रलमधील महादेव सावंत हा युवक आपल्या कुटुंबासह येथील तहसीलदार कार्यालयानजीकच्या एका इमारतीमधील फ्लॅटमध्ये राहत होता.त्याने विष घेतल्याचे मंगळवारी कुटुंबियांना आढळून आले.महादेवला तातडीने सुरुवातीला दोडामार्ग ग्रामीण रुग्णालय व त्यानंतर गोवा-बांबोळी येथे हलविण्यात आले. तिथे त्याच्यावर उपचार सुरू असताना गुरुवारी सकाळी त्याचे निधन झाले. त्याच्या पश्चात्य आई, वडील, दोन सावंत बहीण, असा परिवार आहे. त्याच्या निधनाने कुंब्रल परिसरात व त्याच्या मित्र परिवारावर शोककळा पसरली आहे. महादेव हा मनमिळाऊ तसेच नेहमी हसऱ्या चेहऱ्याने वावरत असे. तो एक उत्कृष्ट कबड्डीपटू होता. तालुक्यात कोणत्याही कबड्डी स्पर्धा असेल तर तो त्या ठिकाणी हमखास दिसत असे. गोव्यातील एका हॉटेलमध्ये सध्या तो नोकरीला होता.