🛑जनता दरबारात तक्रार स्वरूपातील विजय कांबळी यांच्या घरापर्यंतचा रस्ता पूर्ण करण्याचे पालकमंत्र्यांचे प्रशासनाला आदेश..

*✍🏼लोकसंवाद /- कुडाळ.

कुडाळ नगरपंचायत हद्दीतील कुडाळ वेंगुर्ला मठ रस्ता ते विजय कांबळी यांच्या घरापर्यंत जाणारा रस्ता हा रस्ता अधिकृत नगरपंचायत दप्तरी 26 नंबर ला नोंद असून सदर रस्त्यावरती विकास निधी खर्च घातला असून सदर रस्ता हा कोणाच्यातरी वैयक्तिक स्वार्थासाठी सत्तेचा गैर उपयोग करून कुडाळ नगरपंचायत मधील एका व्यक्तीने स्वतःच्या स्वार्थासाठी अडवलेला होता.परंतु सिंधुदुर्ग जिल्ह्याचे पालकमंत्री यांनी आज ओरोस येथे झालेल्या डी.पी .डी सी.हॉलमध्ये आयोजित केलेल्या जनता दरबारामध्ये हा विषय तक्रार स्वरूपात येऊन त्यावरती माननीय पालकमंत्री महोदयांनी सदर विषयाचा पूर्ण विचार पूर्ण अभ्यास पूर्ण पेपर बघून शहानिशा करून सदर रस्ता करण्याची पूर्ण करण्याची तातडीने कार्यवाही करावी असे प्रशासनाला सांगितले त्यावेळी कुडाळ नगरपंचायत चे सीईओ माननीय श्री. नातू साहेब उपस्थित होते.सदर रस्त्या संदर्भात कोणीही कोणत्याही प्रकारची अडचण तसेच अडकटी आणल्यास शासकीय नियमानुसार त्यावर कार्यवाही करून हा रस्ता लवकरात लवकर पूर्ण करून घ्यावा असे आदेश प्रशासनाला पालकमंत्री रवींद्र चव्हाण यांनी आज झालेल्या जनता दरबारात दिले.त्यामुळे त्या वाडीतील नागरिकांनी पालकमंत्री महोदयांचे आभार मानले.