🛑शासकिय राखीव वनातील अवैध वृक्षतोड करून वाहतूक केल्याच्या आरोपातून सर्व आरोपींची निर्दोष मुक्तता :

▪️आरोपीं तर्फे ॲड विवेक मांडकुलकर यांचा यशस्वी युक्तिवाद..

✍🏼लोकसंवाद /- कुडाळ.

शासकीय राखीव वनातील सागवान वृक्षाची अवैधरित्या तोड करून वाहतूक केल्याच्या आरोपातून संशयित आरोपी उत्तम यशवंत पंदारे रा. आंजिवडे, सखाराम कृष्णा शेडगे रा. वसोली, वसंत बाबाजी धुरी,प्रकाश तातोबा शेडगे दोघेही रा. नेरूर क. नारुर यांची कुडाळ येथील मे.प्रथमवर्ग न्यायदंडाधिकारी श्री.पी.आर. ढोरे यांनी सबळ पूराव्या अभावी निर्दोष मुक्तता केली. आरोपीं तर्फे ॲड विवेक मांडकुलकर, ॲड प्रणाली मोरे यांनी काम पाहिले. तसेच ॲड भुवनेश प्रभुखानोलकर , ॲड वृषांग जाधव यांचे सहकार्य लाभले.

सविस्तर वृत्त असे की, दिनांक २१/०९/२०१८ रोजी वनरक्षक आंजीवडे व वनरक्षक शिवापूर हे आंजिवडे नियतक्षेत्रातील राखीव वन सर्व्हे क्र.२८/ब, कक्ष क्र.९९ मध्ये गस्त घालत असताना , त्यांना कटर मशीनचा आवाज आला. ते त्या दिशेने गेले असता चार इसम कटर मशीनने सागाचे झाड कापताना आढळून आले. त्यांना पकडण्याचा प्रयत्न केला असता आरोपी क्र.१ याने कटर मशीन वनरक्षक आंजिवडे अंगावर फेकून सर्व आरोपी अंधाराचा फायदा घेऊन पळून गेले अशी फिर्याद देण्यात आली होती. त्यानुसार भारतीय वन अधिनियम १९२७चे कलम २६(१), (ए डी एफ),४१(२-बी), ४२(१,२), ५२,६५, ६६ए , महाराष्ट्र वन नियमावली २०१४चे नियम ३१, ८२(१,२) अंतर्गत गुन्हा दाखल करण्यात आला होता. सदर कामी सरकार पक्षातर्फे एकूण ४ साक्षीदार तपासण्यात आले होते. साक्षीदारांच्या जबाबातील तफावत तसेच आरोपीं तर्फे ॲड विवेक मांडकुलकर यांचा युक्तिवाद ग्राह्य मानून कुडाळ येथील मे.प्रथमवर्ग न्यायदंडाधिकारी श्री पी आर ढोरे साहेब यांनी सर्व आरोपींची निर्दोष मुक्तता केली.