🛑परुळे येथील विद्यार्थिनी कु.अर्पिता सामंत हिचा शिवसेना – युवासेना पक्षातर्फे करण्यात आला सत्कार.

✍🏼लोकसंवाद /- वेंगुर्ला.

वेंगुर्ले तालुक्यातील अण्णासाहेब देसाई विद्यामंदिर परुळे या प्रशालेची विद्यार्थिनी कु.अर्पिता अमेय सामंत हिने माध्यमिक शालांत प्रमाणपत्र परीक्षा (इयत्ता १० वी) मार्च २०२४ उत्तरपत्रिकेच्या पुनर्मुल्यांकनासाठी (फेरतपासणीसाठी) अर्ज केला होता. या पुनर्मुल्यांकनानंतर ३ गुण वाढल्याने तिचे एकूण गुण ५०० पैकी ५०० गुण (१००%) झाले आहेत. फेरतपासणीनंतर तिचे १०० टक्के गुण झाल्याने तिने राज्यात प्रथम येण्याचा सन्मान पटकाविला आहे. शिवसेना – युवासेना पक्षातर्फे तिचा सत्कार करण्यात आला.

यावेळी युवासेना जिल्हाप्रमुख ऋत्विक सामंत, युवती सेना जिल्हाप्रमुख सोनाली पाटकर, युवासेना सोशल मीडिया जिल्हाप्रमुख हर्षद पारकर, युवा उद्योजक नुपूर सामंत, युवा उद्योजक ओमकार देसाई, युवती सेना उप – जिल्हाप्रमुख संतोषा नाईक, युवती सेना कुडाळ तालुका प्रमुख गायत्री गोलम, युवती सेना मालवण शहर प्रमुख प्रियांका मेस्त्री, शिवसेना नेते माजी जिल्हा सचिव किसन जी मांजरेकर, दाजीबा कुबल यावेळी इतर शिवसैनिक उपस्थित होते.