🛑कुडाळ येथील वीज ग्राहकांच्या जनता दरबाराला उस्फुर्त प्रतिसाद.;वीज कंपनीच्या विरोधात ग्राहकांची नाराजी उघड.

✍🏼लोकसंवाद /- कुडाळ.

वीज वितरण कंपनीच्या माध्यमातून दुर्लक्षामुळे कुडाळात उडालेल्या बोजवाऱ्याचा आज वीज ग्राहकांनी पाढाच वाचला. यावेळी वीज अधिकाऱ्यांरी व त्यांच्या मनमानी विरोधात जोरदार नाराजी व्यक्त करण्यात आली. दरम्यान वीज आयोग यंत्रणा प्रबळ झाला पाहिजे,असे आवाहन वीज ग्राहक संघटनेचे राज्य अध्यक्ष प्रताप होगाडे यांनी कुडाळ येथील ग्राहकांच्या जनता दरबारमद्धे बोलताना केले.कुडाळ येथे आयोजित करण्यात आलेल्या जनता दरबाराला उस्फुर्त प्रतिसाद लाभला.यावेळी सिंधुदुर्ग जिल्हा वीज ग्राहक संघटनेचे जिल्हाध्यक्ष श्रीराम शिरसाट,जिल्हा व्यापारी महासंघाचे जिल्हाध्यक्ष प्रसाद पारकर,नितीन वाळके, नंदन वेंगुर्लेकर,आफरीन करोल आदी उपस्थित होते.

यावेळी उपस्थित सर्वच वीज ग्राहकांनी महावितरणच्या भोंगळ कारभाराचा पाढाच वाचला. वारंवार वीज पुरवठा खंडित होणे, वीज बिलातील त्रुटी, नवीन वीज कनेक्शन, नादुरुस्त मीटर, ट्रान्सफॉर्मर दुरुस्ती, अधिकारी आणि कर्मचाऱ्यांची उद्धट भाषा, उद्योगधंद्यांना वीज पुरवठा करण्याची मानसिकता नसणे, स्मार्ट मीटर अशा आईंक तक्रारी वीज ग्राहकांनी मांडल्या. त्याला प्रताप होगाडे यांनी उत्तरे दिली. स्मार्ट मीटर मोफत बसवून देण्यात येतील ही महावितरणची बकवास जाहिरात असल्याची टीका प्रताप होगाडे यांनी केली. या मीटरची किंमत १२ हजार रुपये आहे. ते पैसे ग्राहकांकडून वसूल करणार. खरतर वीज मीटर प्रीपेड घ्यायचा की पोस्टपेड, याचा अधिकार ग्राहकांना आहे. वीज मंडळाकडे अर्ज देऊन पोच घ्या, कोणी तुमचा मीटर बदलणार नाही, असे होगाडे म्हणाले.

सिंधुदुर्ग जिल्हा वीज ग्राहक संघटनेच्या वतीने आज जिल्हाधिकाऱ्यांची देखील भेट घेण्यात आली. तसेच यांनतर रत्नागिरीच्या वीज अधिकाऱ्यांची आणि प्रकाशगड येथील अधिकाऱ्यांची भेट घेणार, प्रकाशगड येथील उच्च अधिकाऱ्यांची भेट घेऊन त्यांच्या कानावर जिल्ह्यातील समस्या घालणार, त्याचबरोबर मंत्रालयस्तरावर बैठक आयोजित करणार, आणि गणेश चतुर्थीपूर्वी जिल्ह्यातील ४३१ ग्रा.प. मध्ये विशेष ग्रामसभा आयोजित करणार असल्याचे जिल्हाध्यक्ष श्रीराम शिरसाट यांनी सांगितले.

व्यापारी महासंघाचे नितीन वाळके यांनी सुद्धा १९१२ या टोलफ्री क्रमांकाबाबत माहिती देऊन त्याचा वापर करा ७० टक्के समस्या मिटतील असे सांगितले. नंदन वेंगुर्लेकर यांनी देखील आपले मनोगत व्यक्त केले. आभार प्रदर्शन निखिल नाईक यांनी केले. यावेळी जिल्हा वीज ग्राहक संघटनेचे नूतन सचिव म्हणून सावंतवाडी येथील दीपक पटेकर यांची निवड करून त्यांना नियुक्तीपत्र देण्यात आले.यावेळी जिल्हाभरा ग्राहक मोठ्या संख्येने उपस्थित होते.