🛑पिंगुळी आनंदवन सोसायटी मध्ये राहणारे श्री.अविनाश जाधव यांची बिल्डिंग टेरेसवरुन खाली उडी घेत आत्महत्या..

✍🏼लोकसंवाद /- कुडाळ.

पिंगुळी म्हापस्केकर तिठा येथे असलेल्या आनंदवन सोसायटी मध्ये राहणारे श्री.अविनाश रोहिदास जाधव वय वर्षे 42 मूळ राहणा बिहार ,सध्या कामानिमित्त सिंधुदुर्ग जिल्ह्यातील चिपी एयरपोर्ट काम करत होते.त्यांनी काल राहत्या घरावरील टेरेसवरुन खाली उडी घेत आत्महत्या केली आहे.जाधव यांनी आत्महत्या केल्याची तक्रार त्यांच्या सोबत चिपी एयरपोर्ट ला काम करणारे सहकारी अरुणकुमार पंकज शर्मा वय 46 यांनी कुडाळ पोलीस ठाण्यात आत्महत्येची तक्रार दिली आहे.

या आत्महत्ये विषयी अधिक माहिती अशी की,श्री.अविनाश रोहिदास जाधव यांनी काल रात्री ते राहत असलेल्या पिंगुळी म्हापस्केकर तिठा येथील बिल्डिंग च्या टेरेस वरून खाली उडी घेतली आणि आपले जीवन संपविण्याचा प्रयत्न केला.बिल्डिंग च्या टेरेस वरून खाली उडी घेतल्यामुळे त्यांच्या डोक्याला जबर मार बसून मोठ्या प्रमाणावर रक्तश्राव झाला.त्या नंतर तेथील काही लोकांनी त्यांना 108 रुग्णवाहिकेच्या माध्यमातून कुडाळ ग्रामीण रुग्णालयात आणण्यात आले.मोठ्या प्रमाणावर रक्तश्राव झाला असल्यामुळे वैद्यकीय अधिकारी यांनी तपासून ते मयत असल्याचे घोषित केले.