🛑शाळा राणी लक्ष्मीबाई कन्याशाळेत प्रवेशोत्सवात विद्यार्थ्यांचे औंक्षण करून सोनचाफा चे फूल देऊन करण्यात आले स्वागत.

✍🏼लोकसंवाद /- वेंगुर्ला.

शाळा राणी लक्ष्मीबाई कन्याशाळा वेंगुर्ला ही उपक्रमशील शाळा असून या शाळेत विद्यार्थ्यांच्या सर्वांगीण विकासासाठी विविध शैक्षणिक उपक्रम राबविण्यात येतात.सन २०२४-२५ या शैक्षणिक वर्षांच्या शाळा प्रवेशोत्सव कार्यक्रम प्रसंगी सर्व शिक्षा अभियानचे श्री.विनोद सावंत यांनी शाळेस भेट देऊन कार्यक्रमाचे उद्घाटन केले.उन्हाळी सुट्टीनंतर शनिवार पासून नवीन शैक्षणिक वर्षाची सुरुवात झाली असून या दिवशी शाळेत दाखल‌ झालेल्या विद्यार्थ्यांचे औंक्षण करून सोनचाफा चे फूल देऊन स्वागत करण्यात आले.यावेळी शाळा व्यवस्थापन समिती उपाध्यक्षा सौ.आरती नेरूरकर यांच्या अध्यक्षतेखाली संपन्न झालेल्या कार्यक्रमात विद्यार्थ्यांना मोफत पाठ्यपुस्तकांचे वाटप करण्यात आले.तसेच एक विद्यार्थी एक झाड याप्रमाणे वृक्षारोपण करून विद्यार्थ्यांना झाडांचे महत्त्व सांगण्यात आले.मुख्याध्यापिका सौ.पेडणेकर मॅडम आणि सौ.कनयाळकर मॅडम यांनी कार्यक्रमाचे उत्कृष्ट नियोजन केले.हा कार्यक्रम शालेय व्यवस्थापन समिती,शिक्षक,पालक आणि ग्रामस्थ यांच्या सहकार्याने व्यवस्थित पार पडला.