🛑राणेंना मिळालेल्या मताधिक्याबाबत शहरवासीय माजी नगरसेवक,भाजपचे स्थानिक पदाधिकारी व कार्यकर्त्यांचे समीर नलावडे यांनी आभार मानले.

✍🏼लोकसंवाद /- कणकवली.

रत्नागिरी -सिंधुदुर्ग लोकसभा मतदारसंघात आजवर झालेल्या निवडणुकांमध्ये कोणत्याही उमेदवाराला शहरातून फारसे लीड मिळाले नव्हते मात्र,ते यंदाच्या लोकसभा निवडणुकीत महायुतीचे भाजपचे उमेदवार कोकणचे भ्याविधाते तथा नवनिर्वाचित खासदार नारायण राणे यांना 1717 एवढे मोठे मताधिक्य मिळाले आहे.खासदार नारायण राणे,पालकमंत्री रवींद्र चव्हाण, आमदार नीतेश राणे यांच्या माध्यमातून कणकवली शहराच्या मागिल तीन वर्षात जो विकास झाला त्यामुळेच कणकवली शहरातील मतदारांनी राणेंना मताधिक्य दिले.याबद्दल शहरवासीय व माजी नगरसेवक, भाजपचे स्थानिक पदाधिकारी व कार्यकर्त्यांचे माजी नगराध्यक्ष समीर नलावडे यांनी आभार मानले. विनायक राऊत यांच्या पराभव झाल्यानंतर नाईक बंधूंच्या पत्रकार परिषदाही बंद झाल्या आहेत, असा टोला नलावडे यांनी लगावला. भाजपच्या शहर कार्यालयात आयोजित केलेल्या पत्रकार परिषदेत श्री. नलावडे बोलत होते. यावेळी माजी उपनगराध्यक्ष गणेश उर्फ बंडू हर्णे, शहराध्यक्ष अण्णा कोदे, जिल्हा बँकेचे संचालक विठ्ठल देसाई, माजी नगरसेवक संजय कामतेकर, अभिजीत मुसळे, रवींद्र उर्फ बाबू गायकवाड, अभय राणे, शिशीर परुळेकर, राजश्री धुमाळे, प्राची कर्पे, संजना सदडेकर, साक्षी वाळके आदी उपस्थित होते. नलावडे म्हणाले, रत्नागिरी-सिंधुदुर्ग लोकसभा मतदारसंघातून महायुतीचे भाजपचे उमेदवार नारायण राणे यांना शहरातून लीड देण्याचा निर्धार शहरातील माजी नगरसेवक, स्थानिक पदाधिकारी व कार्यकर्त्यांनी केला होता. याकरिता शहरात त्यांनी राणेंचा जोरदार प्रचार केला. 4 जूनला जाहीर झालेल्या निकालात राणे हे मोठ्या मताधिक्यांनी निवडून आले. तत्कालीन केंद्रीयमंत्री नारायण राणे, पालकमंत्री रवींद्र चव्हाण, आमदार नीतेश राणे यांच्या माध्यमातून मागील अडीच वर्षांत कणकवली शहराच्या विकासासठी कोट्यवधींचा निधी मिळाला. या निधीमुळे शहरातील विकासांची कामे मार्गी लागली. याची पोचपावती म्हणून शहरातील मतदारांनी राणेंना मताधिक्य दिले. मुख्यमंत्री एकनाथ शिंदे व उपमुख्यमंत्री दवेंद्र फडणवीस यांनी शहरातील विकासकामे मार्गी लावली. याबाबत मी आभार मानतो. राणेंच्या विजयासाठी माजी नगरसेवक, स्थानिक पदाधिकारी, कार्यकर्त्यांनी प्रचंड मेहनत घेतली. त्यामुळेच राणेंना शहरातील बूथवर मताधिक्य मिळाले, असे नलावडे यांनी सांगितले.

वैभव नाईकांनी शेवटची आमदरकी एजाय करावी रत्नागिरी-सिंधुदुर्ग लोकसभा निवडणुकीत कुडाळ-मालवण मतदारसंघातून महायुतीचे भाजपचे उमेदवार नारायण राणेंना मोठे मताधिक्य मिळाले आहे. त्यामुळे आगामी विधानसभा निवडणुकीत वैभव नाईक यांचा दारुण पराभव होणार आहे. लोकसभा निवडणुकीच्या काळात रोज पत्रकार परिषद घेणाऱ्या नाईक बंधूंच्या राऊतांच्या पराभवानंतर बंद झाल्या आहेत. वैभव नाईक यांची ही शेवटची आमदारकी असल्याने त्यांनी ती एजाय करावी, असा टोला बंडू हर्णे यांनी लगावला. वैभव नाईक यांनी विनायक राऊत यांच्या पराभवासाठीच काम केले, असा गंभीर आरोप हर्णे यांनी केला.