🛑तिसऱ्या दिवशीही बेपत्ता किशोर चोडणेकर यांचा समुद्र, खाडीपात्रात ड्रोनद्वारे शोध सुरू..

✍🏼लोकसंवाद /-मालवण.

मालवण तळाशील येथे खाडीपात्रात शनिवारी रात्री होडी उलटल्याने पाण्यात बुडून बेपत्ता झालेल्या किशोर महादेव चोडणेकर (वय- ५५) या मच्छीमाराचा आज पोलीस प्रशासनाच्यावतीने ड्रोनच्या सहाय्याने सर्जेकोट ते तळाशील या परिसरात शोध घेण्यात आला. मात्र तीन दिवस उलटून गेले तरी त्यांचा शोध लागलेला नाही.

आजच्या तिसऱ्या दिवशीही किशोर यांचा खाडीपात्रात शोध सुरू होता. पोलीस प्रशासनाच्या माध्यमातून ड्रोनच्या साहाय्याने सर्जेकोट ते तळाशील या भागात आज शोध मोहीम राबविण्यात आली. मात्र सायंकाळी उशिरापर्यंत त्यांचा शोध लागला नाही. या शोध मोहिमेत पोलीस कर्मचारी ज्ञानेश्वर कांदळगावकर, सूरज रेडकर यांच्यासह स्थानिक मच्छीमार व ग्रामस्थ सहभागी झाले होते