🛑कुडाळ संत राऊळ महाराज कॉलेज सर्कल येथील नाल्यावर झालेल्या अतिक्रमणा संदर्भात मनसेची कुडाळ न.पं. ला.धडक..

✍🏼लोकसंवाद /- कुडाळ.

नाल्यावर झालेल्या अतिक्रमणा मुळे पावसाळ्यात पाण्याचा योग्य निचरा होणार नाही आणि चौकात पाणी तुंबणार याबाबत मनसे कडून आंदोलनाचा तक्रार अर्ज २०/५/२४ रोजी नगरपंचायत प्रशासनाला देण्यात आला होता… यावर कारवाई न होता उलट विकासकाने लहान गटाराचे काम सुरुच ठेवले. चौकाच्या चारही रस्ता परिसरातील पाणी मुख्य चौकात येते व हॉटेल गजाली च्या बाजूच्या नाल्याने नदीकडे वाहते. नाल्या बाजूची जमीन विकासकाने कॉम्प्लेक्स करिता घेतली असून नाल्याचे रूपांतर लहानश्या गटारामध्ये केले आहे. जुन्या नालाच्या तुलनेत बांधण्यात आलेला काँक्रीटचा गटार खूपच कमी रुंदीचा आहे… हा नैसर्गिक आणि पारंपरिक नालाच / ओहोळ आहे. याबाबत 1985 पासूनचे सॅटेलाईट फोटो उपलब्ध आहेत.

या बाबत जिल्हाध्यक्ष धीरज परब यांच्या नेतृत्वाखाली मनसे शिष्टमंडळाने मुख्याधिकारी श्री नातु यांची भेट घेऊन जाब विचारला. येथील विकासक सर्व यंत्रणा खिशात घालून वावरत असून, विकासकांच्या मनमानी आणि बेकायदेशीर कृत्यांचा पाढाच मुख्याधिकारी यांच्यासमोर वाचण्यात आला ..काही विकासक/ बिल्डर सिंडिकेट लॉबिंग करून प्रशासनाच्या अधिकाऱ्यांना पैशाच्या जीवावर बोटावर नाचवतात .नियम अटी शर्ती धाब्यावर बसून काम केले जाते .याचा त्रास मग सदनिका घेणाऱ्या सामान्य नागरिकांना होतो. बिल्डर सदनिका विकून सोसायटी करून देतात. सोसायटी झाल्यावर ड्रेनेज, सांडपाणी, एसटीपी प्लांट, पार्किंग ,रस्ता, ओपन स्पेस, कारपेट एरिया, बिल्टप ऐरिया यांच्यात नागरिकांची फसवणूक केली जाते. याबाबत मुख्याधिकारी आणि नगरपंचायत अभियंता यांनी नियम अटींचे काटेकोर पालन करून संबंधितांना परवानगी दिल्या पाहिजेत. अशा उन्मत्त वागणाऱ्या बिल्डरां प्रती लोकां च्या तक्रारीची चर्चा करण्यात आली.

कॉलेज चौकातील विकासकांवर महाराष्ट्र नगरपरिषद ,नगरपंचायती व औद्योगिक नागरी अधिनियम 1965 च्या प्रकरण 13 व्या कलम 210 1 मधील (1)व( 2) कायद्याप्रमाणे प्रवाह ,ओढा अतिक्रमण संदर्भात कारवाई व्हावी. तसेच नगरपंचायत नागरी अधिनियम 1965 प्रकरण 13 व्या कलम 210 2 (1) (2) प्रमाणे तक्रार असल्याने नोटीस देऊन गटारांची रुंदी वाढवण्याबाबत संबंधितांना आदेश देण्यात यावे. असे निवेदनातून आज नगरपंचायत ला सांगण्यात आले. याबाबत मुख्याधिकारी नातू यांनी सर्व तांत्रिक बाबी बघतो, थोडा अवधी मला द्या असे सांगितले आहे. नगरपंचायतने बिल्डर ने बांधलेले गटार योग्य रुंदी व खोलीचे असल्यास ,पाणी चौकात तुंबणार नाही. याबाबत आमच्या तक्रार अर्जावर लेखी हमी द्यावी अशी मागणी शिष्टमंडळाकडून करण्यात आली .पुढील काही काळात नगरपंचायत कडून भूमिका स्पष्ट न झाल्यास. महाराष्ट्र पाटबंधारे अधिनियम 1976 (सुधारित शासन निर्णय नोव्हेंबर 2006 ) अंतर्गत पुढील न्यायव्यवस्थेकडे न्याय मागीतला जाईल व यामध्ये विकासक/ बिल्डर, मुख्याधिकारी आणि नगरपंचायत अभियंता यांना पार्टी केले जाईल.. तसेच महाराष्ट्र शासन GRIEVANCE REDRESSAL PORTAL आणि मुख्य सचिव नगररचनाकार महाराष्ट्र शासन यांच्याकडे देखील सबंधीत विषयात दाद मागण्यात येईल असा इशारा शिष्टमंडळाकडून देण्यात आला .यावेळी उपजिल्हाध्यक्ष कुणाल किनळेकर, विभाग अध्यक्ष प्रथमेश धुरी, विद्यार्थी सेनेचे यतिन माजगावकर ,वेदांत कुडतरकर, अमर अणसुरकर आणि चेतन राऊळ उपस्थित होते..