🛑राजन तेलींच्या स्टेट्स मुळे सिंधुदुर्ग जिल्ह्यातील भाजपा मध्ये उडाली खळबळ..

▪️केंद्रीय मंत्री नारायण राणेंचा नियोजित दौराही अचानक झाला रद्द..

✍🏼लोकसंवाद /- सिंधुदुर्ग.

सावंतवाडी येथील महायुतीच्या प्रचार कार्यालयाचे आज शनिवारी सकाळी होणारे उद्घाटन अचानक रद्द करण्यात आले.तर केंद्रीय मंत्री नारायण राणे हे वेंगुर्ले तालुक्यात पाच जिल्हा परिषद मतदारसंघातील कार्यकर्त्यांची संवाद साधणार होते.तो ही नियोजित राणेंचा दौरा अचानक रद्द केला. त्यामुळे नियोजित असलेला सावंतवाडीचा महायुतीच्या प्रचार कार्यालयाचे उद्घाटन व नारायण राणेंचा वेंगुर्ला तालुका दौरा अचानक रद्द झाला. हा नेमका कोणामुळे रद्द झाला? हा प्रश्न सकाळी उद्घाटनासाठी सावंतवाडी तालुक्यातून आलेल्या पदाधिकारी कार्यकर्त्यांना तसेच वेंगुर्लेतील राणेंची वाट पाहत असलेल्या भाजप कार्यकर्त्यांना पडला आहे. मात्र माजी आमदार राजन तेली यांनी लावलेला स्टेट्स सध्या चर्चेचा विषय ठरला आहे.

भाजपचे राजन तेली यांनी आज अचानक स्टेट्सच्या माध्यमातून कार्यकर्त्यांची माफी मागताना नियोजित सभा कोणाच्यातरी हट्टामुळे दोन वेळा रद्द झाल्या.कार्यकर्त्यांनी अतिशय मेहनत करून सभेचे नियोजन केले होते.त्यामुळे त्यांना झालेल्या त्रासाबद्दल मी मनापासून माफी मागतो.असा राजन तेलींनी स्टेट्स ठेवून एकीकडे आपली नाराजी ही व्यक्त केली आहे. परंतु हट्ट करणारा नेमका व्यक्ती कोण?असा प्रश्न आता सावंतवाडी,वेंगुर्ले तालुक्यासह भाजपाच्या कार्यकर्त्यांमध्ये पडला आहे.

एकूणच राजन तेली यांचा हा रोष शालेय शिक्षण मंत्री दिपक केसरकर यांच्यावर तर नाही ना?असेही बोलले जात आहे.दरम्यान याबाबत श्री तेली यांच्याशी संपर्क साधण्याचा प्रयत्न केला असता त्यांचा मोबाईल स्विच ऑफ येत होता.