🛑प्रितम गावडे राजीनामा प्रकरणात “ट्विस्ट” मनसेतच सक्रिय राहण्याचा घेतला निर्णय..

किरण सामंत यांची ती भेट सदिच्छा भेट,होती..

✍🏼लोकसंवाद /- मालवण.

महाराष्ट्र नवनिर्माण सेनेने अलीकडेच नव्याने नियुक्त केलेल्या मालवण तालुकाध्यक्ष श्री. प्रितम विलास गावडे यांनी काल मनसेच्या तालुकाध्यक्ष पदा सोबतच प्राथमिक सदस्यत्वाचा राजीनामा दिल्याच्या घटनेने मनसेच्या गोटात खळबळ उडाली होती.मनसेच्या राजीनाम्या नंतर श्री.गावडे यांनी रत्नागिरीत शिवसेना नेते किरण सामंत यांची भेटही घेतली होती मात्र सोमवारी मनसे सोडण्याच्या निर्णयावरून त्यांनी “यु टर्न” घेतला आहे.

आपण तालुकाध्यक्ष पदाचा राजीनामा दिला असला तरी मनसे मध्येच कार्यरत राहणार असल्याचे प्रितम गावडे यांनी म्हटले आहे.काल शिवसेना नेते किरण सामंत यांची आपण सदिच्छा भेट घेतली.आगामी लोकसभा निवडणुकीत किरण सामंत यांच्या उमेदवारीला आपला पाठींबा असून त्यांच्या विजयासाठी कटिबद्ध असल्याचे त्यांनी म्हटले आहे.

मालवण तालुक्यातील चौके येथील युवा उद्योजक प्रीतम विलास गावडे यांची अलीकडेच महाराष्ट्र नवनिर्माण सेनेच्या मालवण तालुकाध्यक्षपदी निवड करण्यात आली होती. श्री.गावडे यांच्या नेतृत्वाखाली अलीकडच्या कालावधीत मनसेने मालवणात वेगवेगळे कार्यक्रम राबवले होते.मात्र रविवारी प्रीतम गावडे यांनी आपल्या महाराष्ट्र नवनिर्माण सेना तालुकाध्यक्ष आणि प्राथमिक सदस्यत्व पदाचा राजीनामा एका पत्राद्वारे प्रसिद्धी माध्यमांना सादर केला होता. यामुळे मनसेच्या गोवाय एकच खळबळ उडाली होती.

⭕प्रितम गावडे मनसेतच : गणेश वाईरकर.

दरम्यान महाराष्ट्र नवनिर्माण सेनेचे जिल्हा उपाध्यक्ष गणेश वाईरकर यांनी सुद्धा प्रीतम गावडे यांनी आपल्या वैयक्तिक कारणामुळे मनसेच्या तालुकाध्यक्ष पदाचा राजीनामा दिल्याचे म्हटले असून अन्य कोणत्याही पक्षात प्रवेश केलेला नाही. ते यानंतरही महा सैनिक म्हणन कार्यरत रहाणार असल्याची प्रतिक्रिया व्यक्त केली आहे.

मनसेचा राजीनामा दिल्यानंतर प्रीतम गावडे यांनी रविवारी सायंकाळी रत्नागिरी येथे शिवसेना नेते किरण सामंत यांची भेट घेतली. यामुळे मनसेतून राजीनामा दिल्यानंतर ते शिवसेनेत प्रवेश करणार असल्याचे चर्चा होती. मात्र सोमवारी प्रीतम गावडे यांनी आपण महाराष्ट्र नवनिर्माण सेनेच्या केवळ तालुकाध्यक्षपदाचा राजीनामा दिला असून यानंतरच्या कालावधीत महाराष्ट्र सैनिक म्हणून कार्यरत राहणार असल्याची प्रतिक्रिया दिली आहे. शिवसेना नेते किरण सामंत यांची आपण सदिच्छा भेट घेतली. आगामी लोकसभा निवडणुकीत किरण सामंत हे महायुतीचे उमेदवार असतील अशी चर्चा आहे. त्यांच्या उमेदवारी मुळे जिल्ह्याच्या सर्वांगीण विकासाला चालना मिळणार आहे. त्यामुळे त्यांच्या उमेदवारीला आपला पाठिंबा असून त्यांना जास्तीत जास्त मतांनी निवडून आणण्यासाठी आपल्यासह आपले कार्यकर्ते प्रयत्नशील असतील, असे प्रीतम गावडे यांनी म्हटले आहे.