🛑तेर्सेबांबर्डे गावडेवाडी येथे श्री ग्रंथराज ज्ञानेश्वरी सामुदायीक पारायण सोहळा २७ फेब्रुवारी पासून सुरु..

✍🏼लोकसंवाद /- कुडाळ.

कै. गुरुवर्य ह.भ.प. विवेकानंद (दादा) वासकर महाराज यांच्या कृपा आशिर्वादाने गुरुवर्य ह.भ.प. कौस्तुभ वासकर महाराज यांच्या प्रेरणेने श्री ग्रंथराज ज्ञानेश्वरी सामुदायीक पारायण सोहळा तेर्सेबांबर्डे गावडेवाडी येथे आयोजित करण्यात आला आहे. हा सोहळा २७ फेब्रुवारी ते ४ मार्च रोजी होणार आहे.

ज्ञानेश्वर माऊलीच्या कृपेने आशिर्वादाने समाजात भ्रष्टाचाराने भरलेल जग, मानवता हरवलेला समाज, व्यसनाधिन झालेली तरुणपिढी तसेच प्रेमवृध्दी सहिष्णूता आणि भक्ती वृध्दींगत व्हावी या विचाराने व गांव संस्कारी बनावे आणि ग्रामिण जनतेमध्ये अध्दैत्य भक्ती मार्गाची वाढ व्हावी यासाठी संताच्या अमृत वचनांची गरज आहे. यासाठी या सामुदायिक पारायणाचे आयोजन करण्यात आले आहे. मंगळवार दि. २७ फेब्रुवारी ते सोमवार दि. ४ मार्च २०२४ पर्यंत हे पारायण होणार आहे. यातील सप्ताहातील दैनंदिन कार्यक्रम -पहाटे ४ ते ६ काकड आरती, सकाळी ८ ते १२ सामुदायीक ज्ञानेश्वरी वाचन , दुपारी २.३० ते ४ वा .नाटाचे भजन, सायं. ४ ते ५ हरीपाठ , सायं. ५.३० ते ६.३० प्रवचन, रात्री ७ ते ९ किर्तन, रात्री ९.३० जागराचे भजन व महाप्रसाद असे कार्यक्रम होणार आहेत. मंगळवार दि. २७ रोजी प्रवचनकार व किर्तनकार ह.भ.प. बाबासाहेब (बाळू) पाटील महाराज, पुंगाव, राधानगरी बुधवार दि. २८ फेब्रुवारी रोजी प्रवचनकार व किर्तनकार ह.भ.प. उदय पाटील (शास्त्री) महाराज, गोटखिंडी, जि. सांगली, गुरुवार दि २९ फेब्रुवारी रोजी किर्तनकार व किर्तनकार ह.भ.प. डॉ. रविंद्र तावडे महाराज मुंबई, शुक्रवार दिनांक दि. ०१ मार्च रोजी प्रवचनकार व किर्तनकार ह.भ.प. विश्वनाथ गवंडळकर महाराज, कणकवली (सिंधुदुर्ग जिल्हा वारकरी संघटना अध्यक्ष) ,शनिवार दि २ मार्च रोजी प्रवचनकार व किर्तनकार ह.भ.प. केशव जाधव महाराज पीशवी, कोल्हापुर, रविवार दि.३ मार्च रोजी प्रवचनकार व किर्तनकार ह.भ.प. आनंद जाधव महाराज करमळा, सोलापुर आदींची प्रवचने व कीर्तने होणार आहेत. सोमवार दि. ०४ मार्च रोजी सकाळी ८ ते ९ वा.ज्ञानेश्वरी वाचन, सकाळी १० ते ११ वा.ह.भ.प. आनंद जाधव महाराज काल्याचे किर्तन व महाप्रसाद होणार आहे. तरी या श्री ग्रंथराज ज्ञानेश्वरी सामुदायीक पारायण सोहळ्याचा मोठ्या संख्येने लाभ घ्यावा असे आवाहन आयोजकांच्या वतीने करण्यात आले आहे.