🛑लक्ष्मीबाई सिताराम हळबे महाविद्यालयाच्या राष्ट्रीय सेवा योजना निवासी शिबिराचे उद्घाटन संपन्न..

✍🏼लोकसंवाद /- दोडामार्ग.

येथील लक्ष्मीबाई सिताराम हळबे महाविद्यालयाच राष्ट्रीय निवासी सातदिवशीय शिबिर मुक्काम पोस्ट खोकरल तालुका दोडामार्ग येथे मान्यवरांच्या उपस्थितीत संपन्न संपन्न झाले शिक्षणाबरोबरच विद्यार्थ्यांमध्ये श्रमप्रतिष्ठा, शिस्त ,स्वच्छता ,आरोग्य, पर्यावरण संवर्धनाची जाणीव ,राष्ट्रीय एकात्मता ,समता, सहकार्याची भावना व सामाजिक बांधिलकीची जाणीव निर्माण होण्यासाठी राष्ट्रीय सेवा योजना विभागामार्फत ग्राम स्वच्छता ,आरोग्य तपासणी शिबिर, कृषी योजनांची माहिती ,वनराई बंधारे व इतर प्रबोधनात्मक कार्यक्रमांचा समावेश करण्यात आला आहे या शिबिराचे उद्घाटन महाविद्यालयाची माजी विद्यार्थिनी तथा सिंधुदुर्ग पोलीस दलात कार्यरत असणारी सौ प्रियांका संजय खडपकर हिच्या हस्ते दीप प्रज्वलन व गाडगे महाराज यांच्या प्रतिमेचे पुष्पहार घालून झाले.

यावेळी व्यासपीठावर महाविद्यालयाचे प्राचार्य डॉक्टर सुभाष सावंत ,सरपंच देवा शेटकर, नगरपंचायत कसई दोडमार्ग नगरपंचायतीचे नगरसेवक डॉक्टर संजय खडपकर, उपसरपंच सौ अंजू महादेव गवस , पूर्ण प्राथमिक शाळेच्या मुख्याध्यापिका सौ गीतांजली मळीक ,माजी मुख्याध्यापक श्री मनेरीकर, पोलीस पाटील श्री विलास शेटकर, ग्रामपंचायत सदस्य भरत गवस, गुरुनाथ गवस, सागर नाईक, सौ हेमा गवस ,सौ साक्षी गवस ,ग्रामसेवक विशाल जाधव, तंटामुक्ती अध्यक्ष दीपक गवस ,ग्रामपंचायत कर्मचारी अमित गवस, साईनाथ गवस, माजी उपसरपंच गोपाळ नाईक ,सेवा संघ अध्यक्ष रामा गाड, नियोजन समिती नारायण परब ,महिला बचत गटाची अध्यक्ष व प्रतिनिधी, शांतादुर्ग सिद्धेश्वर देवस्थान ट्रस्ट सदस्य, राष्ट्रीय सेवा योजना शिबिराचे कार्यक्रम अधिकारी प्राध्यापक दिलीप बर्वे, प्रा. डॉक्टर राजेंद्र इंगळे, प्रा.सेफाली गवस ,प्रा. डॉक्टर प्रज्ञा कुमार गाथाडे ,ग्रामस्थ व विद्यार्थी उपस्थित होते.

एका दगडापासून नको ते भाग काढून टाकल्यास त्यापासून चांगले शिल्प तयार होते तसा विद्यार्थ्याला योग्य आकार व वळण दिल्यास चांगला सुजाण नागरिक होतो असे आपल्या प्रास्ताविकातून प्राध्यापक दिलीप बर्वे यांनी नमूद केले महाविद्यालयातील जीवनाचा कालावधी हा फार महत्त्वाचा टप्पा आहे याच वयात आयुष्याला योग्य दिशा मिळते योग्य नियोजन, शिस्त, संयम राखून शिक्षण घेतल्यास अपेक्षित यश प्राप्त होते आपणही याच पद्धतीने दिनचर्या अंगीकारून मोठे व्हा ,याच तत्वांचा उपयोग करून मी पोलीस दलात गेले यापुढे अधिक मोठ्या प्रमाणात मेहनत घेऊन पुढील यश संपादन करीन असे सौ प्रियंका संजय खडपकर हिने आपले बहुमूल्य विचार मांडले
हळवे महाविद्यालयाचे जे विद्यार्थी शिबिरार्थी आमच्या गावात आले त्यांना योग्य सहकार्य करून आम्ही आमच्या गावात जागृती व विकास करूया असे खोकरल सरपंच श्री देवा शेटकर यांनी मत मांडले,
आयुष्यभर माणूस हा विद्यार्थी असतो त्याची योग्य जडणघडण केली तर तो मोठा माणूस होईल असे मत उसप हायस्कूल सेवानिवृत्त मुख्याध्यापक श्री मनेरिकर यांनी मांडले
शासनाच्या विविध योजना राबविल्या जातात त्याची जबाबदारी सरपंचावर नसून त्याच्या पुढाकाराने प्रत्येक नागरिकांनी स्वतःचे कर्तव्य समजून स्वतःपासून त्याची सुरुवात करावी केंद्र सरकार पासून ग्रामस्थारापर्यंत विविध योजनांची प्रभावी अंमलबजावणी होऊ शकेल यावेळी त्यांनी आदर्श सरपंच भास्कर पेरे पाटील यांचे उदाहरण दिले विद्यार्थ्यांना पहिल्यांदा स्वची जाणीव निर्माण करणे गरजेचे आहे स्वतःचा विकास म्हणजे गावाचा विकास म्हणजेच देशाचा विकास असे महाविद्यालयाचे प्राचार्य डॉक्टर सुभाष सावंत यांनी आपल्या अध्यक्षीय मनोगतात व्यक्त केले. या सात दिवसाच्या श्रम संस्कार शिबिरात पहिल्या दिवशी डॉक्टर सुनील लाड ,सहाय्यक वनसंरक्षक सावंतवाडी यांचे पर्यावरण संवर्धन काळाची गरज ,दुसऱ्या दिवशी राजेंद्र केरकर पर्यावरण तज्ञ गोवा यांची दोडामार्ग तालुक्याचा ऐतिहासिक वारसा व इतिहास ,तिसऱ्या दिवशी डॉक्टर वंदना किरण गुंजाटे यांची महिलांची आरोग्य व घ्यावयाची काळजी व आरोग्य शिबिर ,चौथ्या दिवशी श्री संजय गवस अध्यक्ष वनश्री फाउंडेशन यांची पर्यटन आणि रोजगाराच्या संधी, पाचव्या दिवशी डॉक्टर हेमंत पेडणेकर निवृत्त प्राचार्य यांचे ओळख आपल्या मनाची आणि शरीराची अशी विविध व्याख्याने आयोजित करण्यात आली आहे या शिबिराचा फायदा जास्तीत जास्त लोकांनी व विद्यार्थ्यांनी घ्यावा प्रास्ताविक कार्यक्रम अधिकारी प्राध्यापक दिलीप बर्वे यांनी सूत्रसंचालन कुमारी साक्षी गवस हिने तर आभार कुमारी सोनल गवस हिने केले.