🛑मनमानी करणाऱ्या ठेकेदारांवर प्रतिबंधात्मक कारवाई करा.;भाजपच्या माजी नगरसेवकांची मागणी..
▪️माजी नगरसेवकांनी मुख्याधिकाऱ्यांची घेतली भेट..

✍🏼लोकसंवाद /- सावंतवाडी.

सावंतवाडी शहरातील गॅस पाईपलाईनचे चुकीच्या पद्धतीने काम होत आहे.धुळीचे प्रमाण वाढले आहे.त्यामुळे नागरिकांना त्रास होत आहे.त्यामुळे संबंधित ठेकेदारला योग्य ती समज द्या, तोडलेल्या पाईपलाईन त्वरित दुरुस्त करा,अन्यथा गप्प बसणार नाही, असा इशारा शहरातील भाजपच्या माजी नगरसेवकांनी पालिका प्रशासनाला दिला आहेत.त्या ठिकाणी काम करत असलेल्या ठेकेदाराकडून खणलेल्या रस्त्यावर पाणी न मारणे,रोड रोलर न फिरवणे,खड्डे न बुजविणे असे प्रकार होत आहे.त्यामुळे अपघाताचे प्रमाण वाढले आहे.भविष्यात मोठा अपघात होण्याची शक्यता नाकारता येत नाही.त्यामुळे याकडे पालिका प्रशासने तात्काळ लक्ष द्यावे,त्या ठिकाणी नगरपालिकेचा कर्मचारी नेमण्यात यावा,तसेच मनमानी करणाऱ्या ठेकेदारांवर प्रतिबंधात्मक कारवाई केली जावी, अन्यथा गप्प बसणार नाही, असा इशारा देण्यात आला आहे.यावेळी अॅड. परिमल नाईक, नासिर शेख, राजू बेग सुधीर आडीवरेकर आणि उदय नाईक उपस्थित होते.