🛑नारूर मध्ये ढगफुटी सदृश्य पावसामुळे झालेल्या नुकसानीची तात्काळ पंचनामे करा.; आमदार वैभव नाईक यांची मागणी..

✍🏼लोकसंवाद /- कुडाळ.

नारूर मध्ये ढगफुटी सदृश्य पावसामुळे परिसरात मोठे नुकसान झाले आहे. या नुकसानग्रस्त भागाची आमदार वैभव नाईक यांनी पाहणी केली. यावेळी झालेल्या नुकसानीचे तात्काळ पंचनामे कराव संबंधित नुकसानग्रस्तांना भरपाई देण्यासाठी प्रयत्न करा, अशा सूचना यावेळी नाईक यांनी प्रशासनाला केल्या.यावेळी शेती व बागायतींचे तसेच सरनोबतवाडी येथे तुटलेल्या साकवाची पाहणी करण्यात आली. यावेळी प्रांताधिकारी ऐश्वर्या काळुशे, तहसीलदार अमोल पाठक माजी जिल्हा परिषद गटनेते नागेंद्र परब, उपजिल्हाप्रमुख अमरसेन सावंत,तालुकाप्रमुख राजन नाईक, उप तालुकाप्रमुख कृष्णा धुरी, नारुर सरपंच वैष्णवी मिस्त्री, उपसरपंच मुकुंद सरनोबत, तलाठी नंदकिशोर परब, कृषी सहाय्यक धनंजय कदम, विभाग प्रमुख नरेंद्र राणे, वेताळबांबर्डे उपसरपंच प्रदीप गावडे, संजय आचरेकर, शिवाजी कदम, आबा तळेकर, शंकर सुद्रिक, आदींसह गावातील ग्रामस्थ उपस्थित होते.