✍🏼लोकसंवाद /- नाशिक.
मुंबई-नागपूर या समृध्दी महामार्गाच्या नागपूर ते शिर्डी टप्प्याचे काम काही दिवसांपूर्वी पूर्ण झाल्यानंतर वाहनांसाठी तो खुला करण्यात आला.
मुंबई ते नागपूर या समृध्दी महामार्गाच्या प्रगतीपथावर असलेल्या कामात सोमवारी इगतपुरी तालुक्यातील बेलगाव तऱ्हाळे परिसरात अकस्मात पूल कोसळला. या दुर्घटनेत कुठलीही जिवितहानी झालेली नाही. मुंबई-नागपूर या समृध्दी महामार्गाच्या नागपूर ते शिर्डी टप्प्याचे काम काही दिवसांपूर्वी पूर्ण झाल्यानंतर वाहनांसाठी तो खुला करण्यात आला. त्यानंतर आता नाशिक जिल्ह्यातील महामार्गाच्या उर्वरित कामाला वेग देण्यात आला आहे. सिन्नर ते घोटी दरम्यान महामार्गाचे काम प्रगतीपथावर आहे. बेलगाव तऱ्हाळे ते गांगडवाडी परिसरात पुलाचे काम सुरू असताना तो कोसळला. मुख्य रस्त्यावरील पूल सायंकाळी अकस्मात कोसळल्याने कामगारांमध्ये घबराट पसरली.