🛑वर्देत महाविद्यालयीन युवतीची निर्घृण हत्या प्रकरणातील संशयित आरोपीला वेंगुर्ले मठ धुरीवाडी येथुन अटक.

✒️लोकसंवाद /- कुडाळ.

कुडाळ तालुक्यातील वर्दे या गावात शनिवारी सायंकाळी उशिरा कु.दामिनी किरण पालव (वय वर्षे २३) या महाविद्यालयीन युवतीची चाकूने वार करून निर्घृण हत्या करण्यात आल्याची धक्कादायक घटना होती. हत्या करून आरोपी पळुन गेल्याने वर्दे गावासह सिंधुदुर्ग जिल्ह्यात एकच खळबळ उडाली होती.अखेर सिंधुदुर्ग पोलीसांनी या प्रकरणातील आरोपीला रात्री १२ च्या सुमारास आरोपीला त्याच्या वेंगुर्ले तालुक्यातील मठ धुरीवाडी येथील घरातून अटक केली.संबंधित आरोपीचे नाव साईल विश्राम धुरी असे आहे.

या पार्श्वभूमीवर सिंधुदुर्ग जिल्ह्याचे जिल्हा पोलीस अधीक्षक मोहन दहिकर आणि अपर पोलीस अधीक्षक नयोमी साटम यांनी घटनास्थळी धाव घेतली. व वरिष्ठ पोलीस अधिकाऱ्यांच्या उपस्थितीत तपास तात्काळ सुरू करून आरोपीचा शोध घेण्यासाठी पोलिसांकडून विविध दिशांनी प्रयत्न केले जात होते. तर या फरार आरोपीला पकडण्यासाठी सहा पोलीस पथके कार्यरत करण्यात आली होती. ठिकठिकाणी महत्त्वाच्या ठिकाणी नाकाबंदी करण्यात आली होती. अखेर पोलिसांना आरोपी पकडण्यात यश आले आहे.