🛑वर्देत युवतीची चाकूने भोसकून हत्या.;आरोपी फरार, जिल्हाभर नाकाबंदी

✒️लोकसंवाद /- कुडाळ.

कुडाळ तालुक्यातील वर्दे येथे दामिनी किरण पालव (वय २३) या महाविद्यालयीन युवतीची चाकूने वार करून निघृण हत्या करण्यात आल्याची धक्कादायक घटना शनिवारी (ता. १७) सायंकाळी घडली. या घटनेमुळे परिसरात खळबळ उडाली असून, हत्येनंतर आरोपी फरार झाला आहे. त्याच्या शोधासाठी सिंधुदुर्ग जिल्हा पोलिसांनी सहा पथके तैनात केली असून, जिल्ह्यात विविध ठिकाणी नाकाबंदी करण्यात आली आहे.मिळालेल्या प्राथमिक माहितीनुसार, दामिनी किरण पालव ही हॉटेल मॅनेजमेंटचे शिक्षण घेत होती. शनिवारी सायंकाळी सुमारे ५.३० ते ६ वाजण्याच्या दरम्यान ती कडावल येथील बसस्थानकावर उतरून वर्दे येथील आपल्या घराच्या दिशेने पायी जात होती. याच दरम्यान वाटेत तिच्यावर चाकूने वार करून तिची हत्या करण्यात आल्याची प्राथमिक माहिती समोर आली आहे. सुमारे ५.३० ते ६ वाजण्याच्या दरम्यान ती कडावल येथील बसस्थानकावर उतरून वर्दे येथील आपल्या घराच्या दिशेने पायी जात होती.याच दरम्यान वाटेत तिच्यावर चाकूने वार करून तिची हत्या करण्यात आली.या घटनेचे गांभीर्य लक्षात घेऊन जिल्हा पोलीस अधीक्षक मोहन दहिकर आणि अपर पोलीस अधीक्षक नयोमी साटम यांनी घटनास्थळी धाव घेतली. वरिष्ठ पोलीस अधिकाऱ्यांच्या उपस्थितीत तपास सुरू करण्यात आला असून, आरोपीचा शोध घेण्यासाठी पोलिसांकडून विविध दिशांनी प्रयत्न केले जात आहेत.आरोपीच्या शोधासाठी सहा पोलीस पथके तैनात केली आहेत.