🛑हुमरमळा येथील युवकांनी श्री.लक्ष्मीनारायण हॉलच्या समोरील ओहोळावर बांधला मातीचा बंधारा.

✒️लोकसंवाद /- कुडाळ.

सिंधुदुर्ग जिल्हाधिकारी तृप्ती धोंडमिसे यांच्या आवाहनाला प्रतिसाद देत, हुमरमळा येथील युवकांनी तेथील श्री.लक्ष्मीनारायण हॉलच्या समोरील ओहोळावर नुकताच मातीचा बंधारा बांधला. भविष्यातील दुष्काळाच्या संकटावर मात करण्यासाठी विविध, उपाययोजना करण्यात येत आहेत.हुमरमळा येथील युवकांनी माती, प्लॅस्टिक पिशव्या, आदींच्या सहाय्याने येथील , देसाईंच्या हद्दीतील,’ अटल साकवाच्या ‘ खाली सदरचा कच्चा बंधारा बांधला.

यामुळे परिसरातील विहिरींची पाणीपातळी वाढली आहे.
येथील,मुख्य गावडोबा बांध लौकरच बांधण्यात येणार आहे.तर, परकरवाडी गणेश कोंड येथे गणेश विसर्जनाच्या पासुनच पाणी अडविण्यात आले होतेच.याबंधा-यावेळी पंकज देसाई, निखिल दळवी , कानडे, वारंग, परब आदी उपस्थित होते.
याकामी सरपंच अमृत देसाई यांनी युवकांचे आभार मानले.