🛑सिंधुदुर्गात ‘दूध मित्र’ संकल्पना; युवकांमार्फत दुग्ध व्यवसाय वाढवणार – जिल्हा बँकेचा नवा प्रयोग.

✒️लोकसंवाद /- सिंधुदुर्ग.

जिल्ह्यात दुग्ध व्यवसाय आणि दूध संकलन वाढावे, गावागावात हा व्यवसाय रुजावा, असे वाटणाऱ्या युवकांसाठी जिल्हा मध्यवर्ती सहकारी बँकेने ‘दूध मित्र’ ही नवी संकल्पना राबविण्याचा निर्णय घेतला आहे.

या योजनेअंतर्गत इच्छुक युवकांची निवड करून येत्या आठवड्यात त्यांना विशेष प्रशिक्षण देण्यात येणार आहे. शेतकऱ्याकडे जाऊन दुग्ध व्यवसायाची कल्पना कशी मांडावी, शेतकऱ्यांकडून कोणती माहिती संकलित करावी, कर्ज व जनावरे उपलब्धतेबाबत मार्गदर्शन कसे करावे, याबाबत त्यांना प्रशिक्षित केले जाणार आहे.

प्रशिक्षणानंतर हेच ‘दूध मित्र’ जिल्हाभरात प्रत्यक्ष शेतकऱ्यांच्या बांधावर जाऊन कामाला सुरुवात करणार असून जिल्ह्यातील दूध संकलन वाढीसाठी ते महत्त्वाची भूमिका बजावणार आहेत, अशी माहिती जिल्हा बँक अध्यक्षांनी दिली.