🛑राष्ट्रीय तंबाखू नियंत्रण कार्यक्रम अंतर्गत एक दिवसीय कार्यशाळा संपन्न..

✒️लोकसंवाद /- ओरोस.

मंगळवार दिनांक 07.07.2026.रोजी राष्ट्रीय तंबाखू नियंत्रण कार्यक्रम जिल्हा रुग्णालय सिंधुदुर्ग व मराठवाडा ग्रामीण विकास संस्था छत्रपती संभाजीनगर व यांच्या संयुक्त विद्यमाने सुरंगी हॉल जिल्हाधिकारी कार्यालय सिंधुदुर्ग येथे कोटपा 2003 व एफसीटीसी 5.3 अंतर्गत एक दिवसीय कार्यशाळा माननीय श्रीमती तृप्ती धोडमिसे मॅडम जिल्हाधिकारी सिंधुदुर्ग यांच्या मान्यतेने व माननीय श्रीमती प्रतिभा वराळे उपजिल्हाधिकारी महसूल,मान डॉ. श्रीपाद पाटील जिल्हा शल्य चिकित्सक जिल्हा रुग्णालय सिंधुदुर्ग ,माननीय डॉ. अनंत दावंगे अधिष्ठता शासकीय वैद्यकीय महाविद्यालय व रुग्णालय सिंधुदुर्ग सोबत डॉ.सुबोध इंगळे निवासी वैद्यकीय अधिकारी जिल्हा रुग्णालय सिंधुदुर्ग यांच्या मार्गदर्शनाखाली सिंधुदुर्ग जिल्ह्यातील तालुका समन्वय समिती आणि जिल्हा समन्वय समिती यांची कार्यशाळा पार पडली.

सदर कार्यशाळे करता मराठवाडा ग्रामीण विकास संस्थेचे संचालक श्री आप्पासाहेब उगले यांनी कोटपा 2003 कायदा या विषयी त्या मध्ये कलम 4, कलम 6(अ), 6(ब), तसेच कलम 5,7,8 या कलमान्वये सविस्तर माहिती देण्यात आली, तसेच एफसीटीसी 5.3( WHO Framework Convention on Tobacco Control) या बाबत जिल्हा व तालुका स्तरावरील समन्वय समिती यांना सविस्तर मार्गदर्शन केले.

त्यानंतर श्री कार्मीस आल्मेडा सामाजिक कार्यकर्ते यांनी राष्ट्रीय तंबाखू नियंत्रण कार्यक्रम व तंबाखूमुक्त शाळा बाबत सविस्तर मार्गदर्शन केले त्यानंतर श्री संतोष खानविलकर यांनी उपस्थित झाला तंबाखू विरोधी शपथ देण्यात आले.
सदर प्रशिक्षणाची सूत्रसंचालन सौ. अदिती कशेळीकर यांच्यावतीने करण्यात आले.

सदर कार्यशाला यशस्वी करणेकरिता श्री संतोष कानविलकर जिल्हा सल्लागार एनटीसीपी श्री कार्मीस आल्मेडा सामाजिक कार्यकर्ता एनटीसीपी श्री अनिल गुंजे विभागीय व्यवस्थापक मराठवाडा ग्रामीण विकास संस्था छत्रपती संभाजी नगर श्री गणेश उगले व श्री योगेश उगले यांनी महत्त्वाचे सहकार्य केले तसेच राष्ट्रीय तंबाखू नियंत्रण कार्यमाचे सदस्य सचिव तथा सिंधुदुर्ग जिल्हा शल्यचिकित्सक यांनी
कलम 4 सार्वजनिक ठिकाणी धूम्रपानास बंदी.

कलम 6 (अ)पॉईंट of सेल वर 18 वर्ष आतील मुलांना तंबाखूजन्य पदार्थ विकण्यास बंदी
कलम 6 (ब)शैक्षणिक संस्था 100 यार्ड परिसरात तंबाखू आणि तंबाखू व तंबाखूजन्य पदार्थ विक्री करण्यास बंदी आहे
कलम 5 अंतर्गत, तंबाखू व तंबाखूजन्य पदार्थाची जाहिरात, प्रमोशन करण्यास बंदी अशा प्रकारे उलघन होत असल्यास कायदा प्रमाणे जबादारी निश्चित केलेल्या अधिकारी यांनी अनुपालन करावे आणि सगळ्या सर्जनिक ठिकाणी धूम्रपान निषिद्ध बोर्ड लावावे असे आवाहन केले.