🛑विद्यार्थ्यांच्या भविष्यासाठी आणि अन्यायाविरोधात आमचा लढा सुरूच राहणार!”;युवासेना जिल्हाप्रमुख मंदार शिरसाट

✒️लोकसंवाद /- कुडाळ.

राज्यातील लाखो विद्यार्थ्यांच्या आयुष्याशी खेळणाऱ्या ‘पेपरफुटी’ महाघोटाळ्याच्या विरोधात कुडाळ गांधीचौक येथे आम्ही केलेल्या आंदोलनानंतर, प्रशासनाने आमच्यावर दाखल केलेल्या गुन्ह्याबाबत माझी अधिकृत भूमिका मी जाहीर करत आहे.

१. अन्यायाविरुद्ध आवाज उठवणे हा आमचा अधिकार:लोकशाहीत चुकीच्या गोष्टींविरोधात, भ्रष्टाचाराविरोधात आणि तरुणांच्या हक्कासाठी आवाज उठवणे हा प्रत्येक नागरिकाचा मूलभूत अधिकार आहे. पेपरफुटीमुळे लाखो प्रामाणिक विद्यार्थ्यांचे भविष्य अंधारात गेले आहे. त्यांच्या पाठीशी उभे राहणे हे आमचे कर्तव्य होते आणि राहील.

२. ⁠गुन्हे दाखल करून आमचा आवाज दाबता येणार नाही:केवळ प्रशासकीय ‘मनाई आदेशाचे’ तांत्रिक कारण पुढे करून आमच्यावर गुन्हे दाखल करण्यात आले आहेत. विद्यार्थ्यांचे भविष्य उद्ध्वस्त करणाऱ्या मूळ आरोपींना पकडण्याऐवजी, अन्यायाविरुद्ध आवाज उठवणाऱ्या युवा सैनिकांवर कारवाई करणे अत्यंत दुर्दैवी आहे. आम्ही या दडपशाहीला आणि कायदेशीर कारवाईला अजिबात घाबरत नाही.

३. ⁠१. कायदेशीर लढाई आणि पुढील पाऊल:आम्ही कायद्याचा आदर करणारे नागरिक आहोत. प्रशासनाने घेतलेल्या या निर्णयाविरुद्ध आम्ही कायदेशीर मार्गाने न्यायालयात लढू. परंतु, तरुणांच्या आणि विद्यार्थ्यांच्या हक्कासाठी रस्त्यावर उतरून संघर्ष करण्याची आमची भूमिका कायम असेल.हा लढा वैयक्तिक नसून महाराष्ट्रातील तमाम तरुण पिढीच्या न्याय्य हक्कांसाठी आहे. तमाम युवा सैनिक आणि जनता आमच्या सोबत आहे.असे युवासेना जिल्हाप्रमुख मंदार शिरसाट यांनी आपल्या प्रसिद्धी पत्रकाच्या माध्यमातून सांगितले आहे.