🛑भर वस्तीत सावंतवाडी शहरातील गजबजलेल्या परिसरात चोरी होते? निर्णय! जैसे थे ” तीच जर अवैध्य हप्त्याची गाडी असती तर.?अमित वेंगुर्लेकर.

🖋️लोकसंवाद /- सावंतवाडी.

सावंतवाडी शहरातील गजबजला परिसर लक्ष्मी नगर डॉ दत्ता सावंत दवाखाना परिसर! दिनांक ०६ ऑगस्ट रोजी सायंकाळी दोन अनोळखी इसमांनी दुचाकीवरून वयोवृद्ध महिलेस फूस लावून दागिने लंपास केले,मान्य आहे की त्या पीडित व्यक्तीने तातडीने आरडा ओरड करणे गरजेचं होते पण तिने कदाचित सद्य परिस्थितीत सज्ज सुव्यवस्थेवर विश्वास ठेऊन घर गाठले असेल!आज जबाबदार प्रशासनाने प्रत्येक पावलापावलावर सर्वसामान्य जनतेला सुरक्षित ठेवण्यासाठी यांत्रिक पद्धतीने सुख सुविधा उपलब्ध करून देण्यात आल्या आहेत परंतु काही भ्रष्ट जबाबदार प्रशासकीय अधिकारी आपल्या कामात कसूर करत आहेत,त्यांना तलावाच्या काठी सुशोभीकरण आणि रहदारीच्या कामातील दुरुस्तीतच आपली जबाबदारी पूर्ण झाली आहे असे वाटते.

आज मुख्याधिकारी तसेच तहसीलदार साहेब यांनाही इतर प्रशासकीय कामांसोबत सर्वसामान्य जनतेच्या बाबतीत सुखसुविधा सोबत कायदेशीर सुव्यवस्थेचीही जबाबदारी आहे.आज सावंतवाडी शहरात सुरक्षेच्या दृष्टीने उभारण्यात आलेले सी सी टिव्ही सुविधा बंद सुस्थित आहेत याला जबाबदार पोलीस प्रशासन की, प्रशासकीय यंत्रणा? कायद्यानुसार सुरक्षा विभागासाठी निधि पुरवणाऱ्या यंत्रणेच्या माध्यमातून उभारण्यात आलेल्या उपक्रमांची दुरुस्तीही तातडीने होणे गरजेचे आहे.जर सर्वसामान्य जनतेला जमिनीवर घर बांधण्या पासून हगनदारी मुक्त भारत देश बनवण्याकरिता चोख कायदे आंबलबाजावणी असेल तर एक सर्वसामान्य महिलेला फूस लावून तिचे दागिने लंपास करणाऱ्या चोरवांवर कोणत्या शिफारसीने कार्यवाही करावी हे सत्तेत असलेल्या प्रशासनाने स्पष्ट केले पाहिजे जनतेच्या आशा कोणत्या सुख सुविधा जबाबदार प्रशासनाने आज पर्यंत पूर्ण करून दाखवल्या आहेत?
वीज पुरवठा राम भरोसे! पाणी पुरवठा खाजगी कर्मचारी भरोसे! रस्ते कॉन्ट्रॅक्टर आणि एजंट यांनी गट बुक नकाशातून कधीच गायब केलेत! शहरातील बाजारात स्थानिक लोक रस्त्यावर आणि अनोळखी लोक गाळ्यात दुकानं थाटून! मुख्याधिकारी फक्त जोड दुरुस्ती करण्यात आणि निवासी आणि वाणिज्य वसुलीत मग्न! मग सर्वसामान्य जनतेचे असेच हाल होणार.

यात फक्त पोलिस प्राशन जबाबदार नाही तर कायदे सुरक्षा मुख्याधिकारी आणि तहसीलदार साहेब यांच्याही जबाबदारीत आहे.असे बरेच गुन्हे दिवसेंदिवस वाढत आहेत सन्माननीय शासकीय साहेब
आता सर्वसामान्य माणूस मिनिटामिटाचा टॅक्स भरून देशोधडीला लागलं आहे त्यात हाऊसमौजेने एक एक पाई साठवून सर्वसामान्य माणूस सोन्याचे दागिने बनवतो दिवसाढवळ्या फक्त नी फक्त आपल्या भारतीय न्याय सुरक्षा यंत्रणेच्या विश्वासावर रस्त्यावर फेरफटका मारताना आज इतकी असुरक्षित सेवा जर जबाबदार प्रशासनाने उपलब्ध केली असेल तर सन्माननीय पंतप्रधान यांनी असा एखादा जी आर प्रसारित केला असेलच की या बाबत कामात कसूर असलेल्या शासकीय कधिकारी यांच्यावर कायदेशीर कारवाई करण्यात आली पाहिजे,की फक्त सर्वसामान्य जनतेसाठीच टॅक्स भरून असुरक्षित रहा ही सेवा सुरू आहे?

याबाबत योग्य दुरुस्त निर्णय घेण्यात यावा.सावंतवाडी नगरपालिका स्वच्छ ग्राम पातळीवर अनेक वेळा पुरस्कार प्राप्त आहे मग मुख्याधिकारी साहेब तलावाचा गाळ पावसांच्या आरंभी काढला जातो रस्तेविभाग पावसाच्या आरंभी जागा होतो विद्युत विकास अडथळे फक्त पावसाच्या सुरवातीस खटाटोपीने दुरुस्त करण्याचे अयस्वी प्रयत्न केले जातात आणि शहरात अनेक चोऱ्या होऊनही सी सी टिव्ही सुविधा त्याच चोरांच्या मदतीसाठी उपलब्ध असते मग सर्वसामान्य माणसाने नक्की करायचं काय? मूग गिळून गप्प बसायचं का❓जर येत्या अठ्ठेचाळीस तासात सावंतवाडी शहरातील मुख्य रस्त्यावर उभारण्यात आलेले सी सी टिव्ही सुविधा पूर्ववत करण्यात आले नाही तर तसे पूर्ववत करण्याचे लेखी आश्वासन मिळेपर्यंत आमरण उपोषणाचा मार्ग मानवाधिकार न्याय सुरक्षा संगठन तर्फे तातडीने पत्करावा लागणार आहे असा इशारा मानवाधिकार न्याय सुरक्षा संगठन तर्फे प्रदेश सचिव श्री अमित वेंगुर्लेकर यांनी पत्रकार माध्यमातून बोलताना सांगितले आहे.