🛑दुचाकी चोरी प्रकरणतील एकाला मोबाईल लोकेशनच्या माध्यमातून तब्बल तीन महिन्यांनी घेतले ताब्यात.

🖋️लोकसंवाद /-कुडाळ.

दुचाकी चोरी प्रकरणी कुडाळ पोलिसांनी दापोली येथील एकाला मोबाईल लोकेशनच्या माध्यमातून तब्बल तीन महिन्यांनी ताब्यात घेतले आहे.अनुज रमेश कावनकर (वय २५, रा. दापोली) असे त्याचे नाव आहे. त्याने कुडाळ- कुंभारवाडी येथील साईशिल्प गुरुदेव मांजरेकर यांच्याकडे असलेली दुचाकी चोरली होती. ती दुचाकी संजय बाबू कुंभार (रा. कुडाळ) यांच्या मालकीची होती. दरम्यान आज त्याला अटक करून येथील न्यायालयात हजर करण्यात आले असता त्याला न्यायालयीन कोठडी देण्यात आली.

ही कारवाई पोलीस अधीक्षक, सिंधुदूर्ग डॉ. श्री. मोहन दहीकर,. अपर पोलीस अधीक्षक कृषिकेश रावले, उपविभागीय पोलीस अधिकारी विनोद कांबळे व पोलीस निरीक्षक, कुडाळ राजेंद्र मगदुम यांनी केली.