🛑रस्त्यावर चालण्यासाठी गेलेल्या व्यक्तीच्या गळ्यातील चैन अज्ञात चोरट्याने नेली खेचून.

🖋️लोकसंवाद /- सावंतवाडी.

मुंबई-गोवा महामार्गाच्या परिसरात मळगाव-तेलकाटवाडी रस्त्यावर चालण्यासाठी गेलेल्या व्यक्तीच्या गळ्यातील चैन अज्ञात चोरट्याने खेचून नेली.चोरटा हा एक्टिवा दुचाकीने मागून भरधाव वेगाने आला होता.हा प्रकार काल रात्री साडे दहा वाजण्याच्या सुमारास घडला.मुरलीधर विठ्ठल गवंडे (वय ५९) असे त्यांचे नाव आहे.याबाबत त्यांनी दिलेल्या तक्रारीनुसार अज्ञात चोरट्यावर गुन्हा दाखल करण्यात आला आहे.याबाबत अधिक माहिती अशी की, श्री.गवंडे हे काल रात्री साडेदहा वाजण्याच्या सुमारास मळगाव-तेलकटवाडी फाटा ते मळगाव चॉकलेट फॅक्टरी परिसरात असलेल्या रस्त्यावर वॉकिंग करीत होते.यावेळी त्या ठिकाणाहून एक्टिवा गाडीने आलेल्या एका अज्ञात व्यक्तीने त्यांच्या गळ्यात असलेली दहा ग्रॅम वजनाची चैन खेचून पोबारा केला. हा प्रकार लक्षात आल्यानंतर गवंडे यांनी तात्काळ पोलीस ठाण्यात धाव घेतली याबाबतची तक्रार दिली. त्यानंतर घटनास्थळी अप्पर पोलीस अधीक्षक ऋषिकेश रावले, उपविभागीय अधिकारी विनोद कांबळे,सावंतवाडी पोलीस निरीक्षक निसर्ग ओतारी, पीएसआय प्रमोद पाटील, माधुरी मुळीक आदींनी त्या ठिकाणी धाव घेऊन संबंधित घटनेचा पंचनामा केला. उशिरापर्यंत चोरट्याचा शोध सुरू होता.याबाबत अज्ञात चोरट्याच्या विरोधात येथील पोलीस ठाण्यात गुन्हा दाखल करण्यात आला आहे. याबाबतची माहिती पोलीस ठाण्यातून देण्यात आली.