वेंगुर्ला शहरात मोकाट फिरणाऱ्या कुत्र्यांचा धुमाकुळ प्रशासनांचे मात्र याकडे दुर्लक्ष.;ॲड.मनीष सातार्डेकर.

लोकसंवाद /- वेंगुर्ला.

वेंगुर्ला शहरात मोकाट फिरणाऱ्या कुत्र्यांचा प्रश्न ऐरणीवर असून वेंगुर्ला नगरपरीषदेचा मात्र याकडे दुर्लक्ष होत असल्याचा आरोप सामाजिक कार्यकर्ते ॲड. मनीष सातार्डेकर यानी केला आहे. वेंगुर्ला शहरात मोकाट फिरणाऱ्या कुत्र्यांची संख्या दिवसाघडी वाढत असून या
मोकाट फिरणाऱ्या कुत्र्यांचा प्रचंड त्रास वाहनचालकांना तसेच पादचाऱ्यांना होत आहे. अश्या मोकाट फिरणाऱ्या कुत्र्यांमुळे बऱ्याचवेळा अपघात होतात तसेच असे,मोकाट फिरणारे कुत्रे वाहनचालक पादचारी तसेच शाळकरी मुले यांच्या अंगावर धावुन जातात कधी कधी तर चावा देखील घेतात. त्यामुळे या मोकाट कुत्र्यांचा प्रचंड,त्रास वेंगुर्ला शहरवासीयांना सहन करावा लागत आहे अशा मोकाट फिरणाऱ्या कुत्र्यांची संख्या दिवसाघडी वाढत असुन असे मोकाट फिरणारे कुत्रे रात्रदिवस मोठ मोठ्याने भुंकणे, रडणे असे प्रकार करत असल्याने त्याचा देखील प्रचंड त्रास शहरवासीयांना विनाकारण भोगावा लागत आहे.

अशा मोकाट फिरणाऱ्या कुत्र्यांच्या वाढणाऱ्या संख्येवर नियंत्रण ठेवण्यासाठी अशा कुत्र्यांची नसबंदी करणे आवश्यक
असते मात्र प्रशासनाकडुन यावर कोणतीही उपाययोजना केली जात नसल्याने अशा मोकाट फिरणाऱ्या कुत्र्यांची संख्या दिवसाघडी वाढत आहे. त्यामुळे नगरपरिषदेने
याकडे गांभिर्याने लक्ष देवुन अशा मोकाट फिरणाऱ्या कुत्र्यांच्या वाढत्या संख्येवर नियंत्रण ठेवण्यासाठी नसबंदीसारख्या उपाययोजना राबविणे अत्यंत आवश्यक आहे याचे कारण अशा मोकाट फिरणाऱ्या कुत्र्यांची संख्या अशीच दिवसाघडी वाढत राहिल्यास शहरातील लोकांना तसेच शाळकरी मुलांना रस्त्यावर फिरणे देखील
कठीण होणारे आहे. त्यामुळे वेंगुर्ला नगरपरिषदेने याकडे गांभिर्याने लक्ष देवुन अशा मोकाट फिरणाऱ्या कुत्र्यांच्या नियंत्रणाकरीता लवकरात लवकर उपाययोजना
कराव्यात असे मत देखील ॲड. मनीष सातार्डेकर यांनी व्यक्त केले आहे. अन्यथा अशा मोकाट फिरणाऱ्या कुत्र्यांमुळे एखादी मोठी दुघर्टना घडल्यास व त्यात कोणाला आपला जीव गमवावा लागल्यास त्यास सर्वस्वी वेंगुर्ला नगरपरिषद व
वेंगुर्ला नगरपरिषदेचे सबंधीत अधिकारी जबाबदार राहतील.असा इशारा सामाजिक कार्यकर्ते ॲड. मनीष सातार्डेकर यानी दिला आहे.