🛑मुंबई गोवा महामार्गावर वारगाव येथील राजस्थानी धाब्यावर विक्रीसाठी आणलेले खवले मांजर वनविभागाच्या पथकाने घेतले ताब्यात.

✍🏼लोकसंवाद /- कणकवली.

मुंबई गोवा महामार्गावर वारगाव येथील राजस्थानी धाबा येथे
विक्रीसाठी आणलेले खवले मांजर वनविभागाच्या पथकाने आज ताब्यात घेतले.या खवले मांजराच्या तस्करी प्रकरणी वनविभागाने पाच जणांना ताब्यात घेतले आहे.

अटक करण्यात आलेल्यांमध्ये विशाल विष्णू खाडे (वय ३४ वर्ष, रा.लोरे नं. कणकवली), संदीप तानाजी घाडी (वय ४४), गिरिधर लवु घाडी (वय ४१ दोन्ही रा. मुटाट ता. देवगड), साहील रामदास गुरव (वय १७, रा.लोरे नं. 1 ता. कणकवली) आणि गुरुनाथ धोंडु घाडी (वय ५० रा. मुटाट, ता. देवगड) यांचा समावेश आहे.

वारगाव येथील राजस्थानी धाब्यावर खवले मांजर विक्रीसाठी काही जण येणार असल्याची माहिती वनविभागाला मिळाली होती. त्यानुसार वनविभागाच्या अधिकारी, कर्मचारी यांनी या हॉटेल परिसरात पाळत ठेवली होती. यात खवले मांजर विक्रीचा व्यवहार करताना वरील पाच आरोपींना तसेच खवले मांजर ताब्यात घेण्यात आले. आरोपीनी आणलेली महिंद्रा पिकअप (एमएच ०७ एस ७०००) ही देखील ताब्यात घेण्यात आली.

ही कारवाई सावंतवाडीचे उपवनसंरक्षक नवाकिशोर रेड्डी, सं.नि. वाघमोडे, सहाय्यक वनसंरक्षक सुनील लाड, सहा. वनसंरक्षक वैभव बोराटे यांच्या मार्गदर्शनाखाली करण्यात आली. तर कारवाईत वनक्षेत्रपाल संरक्षण व अतिक्रमण निर्मुलन सावंतवाडी श्री. सचिन शिडतुरे, वनपाल सं.व.नि. सावंतवाडी, श्री महेश पाटील, वनपाल मठ श्री. सावळा कांबळे, वनपाल दिगवळे श्री. सर्जेराव पाटील, वनपाल फोंडा श्री. धुळु कोळेकर, वनरक्षक सं.व.नि.प्रमोद जगताप, वनरक्षक तुळस विष्णु नरळे, वनरक्षक नेरुर सचिन पाटील, वनरक्षक कळसुली सिध्दार्थ शिंदे, वनरक्षक भिरवंडे सुखदेव गळवे, वनरक्षक कोलगाव ब्रम्हकुमार भोजने, वनरक्षक नियंत्रण कक्ष सावंतवाडी कोमल करकुड, वनरक्षक करुळ दीपाली पाटील व इतर वन कर्मचारी यांनी सहभाग घेतला.