🛑गोवा बनावटीदारूसह 3 लाख 83 हजाराचा मुद्देमाल जप्त.;राज्य उत्पादन शुल्कची कारवाई,दोघे जण ताब्यात.

✍🏼लोकसंवाद /- बांदा.

विधानसभा निवडणूक 2024 आचारसंहितेच्या अनुषंगाने राज्य उत्पादन शुल्क,तपासणी नाका इन्सुली येथे पथकाने जुना पत्रादेवी बांदा रोड,आरोसबाग तिठ्याजवळ, बांदा, ता. सावंतवाडी, जि. सिंधुदुर्ग येथे अवैधरित्या परराज्यातील मद्याची वाहतुक करतांना चारचाकी वाहनासह अंदाजे. 3,83,360 रु. किंमतीचा मुद्देमाल जप्त केला.

मा.श्री. मनोज शेवरे साहेब,अधीक्षक, राज्य उत्पादन शुल्क,सिंधुदुर्ग यांच्या मार्गदर्शनाखाली निरीक्षक, राज्य उत्पादन शुल्क, तपासणी नाका इन्सुली पथकाने विधानसभा निवडणूक 2024 आचारसंहितेच्या अनुषंगाने जुना पत्रादेवी-बांदा रोड, आरोसबाग तिठ्याजवळ, बांदा, ता. सावंतवाडी, जि.सिंधुदुर्ग येथे दि.18/10/2024 रोजी सकाळी 6.45 वाजताच्या दरम्यान अवैध मद्य वाहतुकीच्या संशयीत वाहनांची तपासणी करीत असताना सफेद रंगाचे मारुती अल्टो 800 चारचाकी वाहन क्र. MH-10-CX-4486 या वाहनाची तपासणी केली असता सदर चारचाकी वाहनाच्या पाठीमागील सीटवर व डिकीमध्ये गोवा बनावटीच्या विदेशी मद्याच्या विविध ग्रॅण्डच्या एकुण 20 कागदी पुठ्ठयाचे बॉक्स (564 सिलबंद बाटल्या) अवैध मद्यसाठा मिळून आला. सदर प्रकरणी आरोपी क्र.1) वाहन चालक दिलीप विकास मोरे, वय 32 वर्षे, रा. साखराळे, सांगली व आरोपी क्र. 2) समीर अमीर खानजादे, वय 24 वर्षे, इस्लामपुर, जि. सांगली, यांना मुद्देमालासह ताब्यात घेण्यात आले. सदर गुन्ह्यामध्ये अं. रु.1,83,360/- किंमतीचे मद्य व रु.2,00,000/- किंमतीचे चारचाकी वा असा एकुण अं. रु. 3,83,360/- किंमतीचा मुद्देमाल जप्त करण्यात आला असून महारा, दारुबंदी कायदा 1949 अंतर्गत विविध कलमानुसार गुन्हा नोंदविण्यात आला.

सदर कारवाई मा. श्री. भानुदास खडके, निरीक्षक, श्री. प्रदीप रास्कर, दुय्यम निरीक्षक, श्री.धनंजय साळुंखे, दुय्यम निरीक्षक, श्री. विवेक कदम, दुय्यम निरीक्षक, श्री. विजय धुमाळ, दुय्यम निरीक्षक, श्री. रणजीत शिंदे, जवान नि. वाहन चालक, श्री.दिपक रामचंद्र वायदंडे, जवान यांनी केली.सदर प्रकरणी पुढील तपास श्री. प्रदीप रास्कर, दुय्यम निरीक्षक तपासणी नाका इन्सुली हे करीत आहेत.