🛑पोलिसांना शिवीगाळ करून सरकारी कामात हस्तक्षेप केल्याच्या आरोपातुन दोन आरोपींची निर्दोष मुक्तता.

✍🏼लोकसंवाद /- कुडाळ.

पोलिसांना शिवीगाळ करून सरकारी कामात हस्तक्षेप केल्याच्या आरोपातुन दोन आरोपींची निर्दोष मुक्तता करण्यात आली आहे.आरोपींतर्फे ॲड.सुरेंद्र तेली यांचा यशस्वी युक्तिवाद केला आहे.पोलिसांना शिवीगाळ करून अटक करण्याच्या कामात अडथळा केल्याच्या आरोपातून आज प्रमोद वसंत वालावलकर व साहिल प्रमोद वालावलकर दोघेही रा.वालावलकर यांची ओरोस येथील मे.जिल्हा न्यायाधीश -2 व सहा.सत्र न्यायाधीश साहेब श्रीम.देशमुख यांनी सबळ पुराव्या अभावी निर्दोष मुक्तता केली आहे.आरोपी तर्फे ॲड.सुरेंद्र तेली यांनी काम पाहिले.

दिनांक 19/11/2021 रोजी फिर्यादी निवती पोलीस ठाणे प्रभारी अधिकारी श्री गोविंद वारंग हे आरोपी यांनी वालावल येथील तरुणीचा विनयभंग केल्याप्रकरणी आरोपीना अटक करण्यासाठी गेले असता आरोपी यांनी संगणमत करून पोलीस स्टाफच्या अंगावर धावत जाऊन शिवीगाळ करून पोलीस अधिकारी श्री वारंग यांना मारहाण करून त्यांच्या चष्म्याची तोडफोड करून नुकसान करून पोलीस स्टाफ आपले शासकीय कामं पार पाडत असताना त्यांचे कामात अडथळा निर्माण केल्यामुळे आरोपीविरुद्ध भा. दं. वि कलम 353,332,504,427 सह 34 अंतर्गत गुन्हा दाखल करण्यात आला होता.

सदर कामी सरकार पक्षातर्फे ५ साक्षीदार तपासण्यात आले होते. साक्षीदारांच्या साक्षीतील तफावत व आरोपी तर्फे ॲड.सुरेंद्र तेली यांनी केलेला युक्तिवाद ग्राह्य मानून आरोपींची ओरोस न्यायालयाने निर्दोष मुक्तता केली.