🛑प्रशासन आणि सत्ताधारी यांच्या निष्काळजीपणामुळे काश्मीर येथील नगरसेवक प्रशिक्षण झाले रद्द..

▪️नगरसेवक अभिषेक गावडे यांचा आरोप.;जिल्हाधिकारी यांच्याजवळ तक्रार नोंदवणार..

✍🏼लोकसंवाद /- कुडाळ.

प्रशासन व सत्ताधारी यांच्या निष्काळजीपणामुळे काश्मीर येथील नगरसेवक प्रशिक्षण रद्द झाले याबाबत जिल्हाधिकारी यांच्याजवळ तक्रार नोंदवणार असल्याचे भाजपा नगरसेवक अभिषेक गावडे यांनी प्रसिद्धी पत्रकात म्हटले आहे.

कुडाळ नगरपंचायतीच्या नगरसेवकांचे प्रशिक्षण काश्मीर येथे आयोजित करण्यात आले होते हे प्रशिक्षण १५ व १६ मार्च रोजी होते मात्र या प्रशिक्षणासाठी नगरपंचायतीकडून नोंदणी झाली नसल्यामुळे या प्रशिक्षणामध्ये नगरसेविकांना प्रवेश मिळाला नाही या प्रशिक्षणामध्ये नोंदणी करण्यामध्ये प्रशासन व सत्ताधाऱ्यांनी निष्काळजीपणा दाखवला त्यामुळे नगरसेवकांना प्रशिक्षणापासून वंचित राहावे लागले असे असले तरी या प्रशिक्षणासाठी स्वनिधी मधून खर्च करण्यात येणार होता हा खर्च आता झालेला नाही प्रशिक्षणासाठी भाजपाकडून चार नगरसेवक गेले होते या नगरसेवकांनी नगरपंचायतीचा एकही रुपया घेतला नाही नगरपंचायतीचे मुख्याधिकारी यांना भाजपा नगरसेवकांनी सांगितले होते की या प्रशिक्षणासाठी देण्यात येणारा प्रवास भत्ता आम्हाला नको आम्ही स्वखर्चाने प्रशिक्षण घेण्यासाठी जाऊ त्यामुळे भाजपा नगरसेवकांनी नगरपंचायतीच्या एकही रुपया प्रवास भत्ता म्हणून घेतलेला नाही प्रशिक्षण रद्द झाले हे समजतात १६ मार्च रोजी भाजपाचे सर्व नगरसेवक कुडाळ मध्ये दाखल झाले या प्रशिक्षणा दरम्यान प्रशासन आणि सत्ताधारी यांच्याकडून झालेल्या निष्काळजीपणाची तक्रार जिल्हाधिकारी यांच्याजवळ नोंदवणार असल्याचे नगरसेवक अभिषेक गावडे यांनी प्रसिद्ध पत्रकार म्हटले आहे.