🛑सांगेली नवोदय विद्यालयाच्या जेवणातून विषबाधा झालेल्या विद्यार्थ्यांची संख्या १०० च्या वर..

✍🏼लोकसंवाद /- सावंतवाडी.

जेवणातून विषबाधा झालेल्या सांगेली येथील नवोदय विद्यालयाच्या विद्यार्थ्यांची संख्या १०० च्यावर पोहोचली आहे. दरम्यान त्यांना सांगेली येथे त्रास होत असल्यामुळे अधिक उपचारासाठी सावंतवाडी कुटीर रुग्णालयात दाखल करण्यात आले आहे.

रुग्णालयाच्या वैदयकीय अधिकाऱ्यांसह स्थानिक खासगी डॉक्टरांनी त्या ठिकाणी धाव घेवून त्या मुलांवर उपचार केले. रात्री उशिरा प्राप्त झालेल्या माहितीनुसार सर्व मुलांच्या प्रकृतीत सुधारणा होत आहे, अशी माहिती रुग्णालयाचे वैदयकीय अधिक्षक डॉ. ज्ञानेश्वर ऐवाळे यांनी दिली. काल रात्री घेतलेल्या जेवणातून त्यांना विषबाधा झाली असे प्रशासनाचे म्हणणे आहे.

तालुक्यात सांगेली येथे केंद्र शासनाच्या अख्यारीत येणारे नवोदय विद्यालय आहे या ठिकाणी जिल्ह्यातील तसेच जिल्हा बाहेरील एकूण साडेचारशे पेक्षा अधिक विद्यार्थी शिक्षण घेत आहेत, सहावी ते बारावी पर्यंतचे शिक्षण या ठिकाणी विद्यार्थ्यांना दिले जाते. विद्यालयातच विद्यार्थ्यांना राहण्याची जेवणाची सर्व व्यवस्था केली जाते आठवड्यातून एकदा या ठिकाणी पालकांना विद्यार्थ्यांना भेटू दिले जाते. विद्यालयात रात्रीचे जेवण हे साडेसात वाजता दिले जाते गुरुवारी रात्री साडेसात वाजता विद्यार्थ्यांनी जेवण केल्यानंतर ते नेहमीप्रमाणे आपापल्या हाऊस मध्ये झोपायला गेले परंतु रात्री अडीच तीन वाजल्यापासून विद्यार्थ्यांना उलटी जुलाब व पोटात दुखण्याचा त्रास सुरू झाला. त्याबाबत विद्यार्थ्यांनी विद्यालयाच्या स्टाफला याबाबतची कल्पना दिली परंतु विद्यालयाकडून या संदर्भात गांभीर्याने न घेता विद्यालयातच प्राथमिक उपचार केले परंतु प्राथमिक उपचारानंतरही बऱ्याच विद्यार्थ्यांचा त्रास सुरूच राहिला तब्बल १०० हून अधिक विद्यार्थ्यांना हा त्रास जाणवू लागला अनेक जण सतत होणाऱ्या जुलाब व उलटी मुळे अशक्त झाले. त्यानंतर खडबडून जागी झालेल्या विद्यालयाच्या प्राचार्य व कर्मचाऱ्यांकडून विद्यार्थ्यांना नजिकच्या सांगली प्राथमिक आरोग्य केंद्र मध्ये उपचाराकरता हलवले एकाच वेळी अनेक विद्यार्थी उपचाराकरता आल्याने तेथील वैद्यकीय अधिकारी डॉक्टर प्रिन्सा महीजन यांनी सरपंच लवु भिंगारे यांना कल्पना दिली श्री भिंगारे यांनी घटनास्थळी धाव घेत वस्तुस्थिती पाहून यंत्रणेला अलर्ट केले. त्यानंतर हळूहळू ही बातमी तालुकास्तरावर पोचल्यानंतर विद्यार्थ्यांच्या पालकांपर्यत समजली. या घटनेनंतर स्थानिक लोकप्रतिनिधी पंढरी राऊळ तसेच अन्य सामाजिक कार्यकर्त्यांनी प्राथमिक आरोग्य कें घेत विद्यार्थ्यांना धीर दिला.डॉक्टर फिन्सा व त्यांच्या सहकाऱ्यांनी मोठ्या हिमतीने विद्यार्थ्यांवर उपचार सुरू केले.

विद्यार्थ्यांच्या पालकांनीही सांगलीमध्ये धाव घेत त्या ठिकाणी मोठी गर्दी केली परंतु सांगली आरोग्य केंद्र च्या ठिकाणी असलेली अपुरी यंत्रणा औषध पुरवठा लक्षात घेता काही विद्यार्थ्यांना दुपारनंतर सावंतवाडी मध्ये हलविण्यास सुरुवात करण्यात आली. जिल्हा आरोग्य यंत्रणे कडूनही खबरदारी घेत उपजिल्हा रुग्णालयाच्या ठिकाणी बेड तैनात ठेवण्यात आले. तसेच शहरातील व तालुक्याच्या ठिकाणावरून खाजगी डॉक्टरांची टीमही प्राचार्य करण्यात आली. सावंतवाडीत व सांगेली अशा दोन्ही ठिकाणी विद्यार्थ्यांवर उपचार सुरू करण्यात आले. यावेळी निवासी वैद्यकीय अधिकारी सुबोध इंगळे, सावंतवाडी उपजिल्हा वैद्यकीय अधीक्षक ज्ञानेश्वर एवाळे, धीरज सावंत, गिरीश चौगुले, पांडुरंग वज्राटकर, संदीप सावंत, निखिल अवधूत तर सावंतवाडीतील खाजगी डॉक्टरांनी सुद्धा या ठिकाणी सेवा दिली. यात कश्यप देशपांडे, शंतनू तेंडुलकर, दत्तात्रय सावंत, मिलिंद खानोलकर, राजेश नवांगुळ कुडाळ येथील डॉक्टर चुबे आदींसह डॉक्टरांची टीम सावंतवाडी उपजिल्हा रुग्णालय येथे दाखल होती. तर सांगली प्राथमिक आरोग्य केंद्रात ड्रॉ विक्रम मस्के यांच्यासह त्यांची टीम सेवा देत होती. तर सावंतवाडी उपजिल्हा रुग्णालय येथे मेडिकल डॉक्टर आणि त्यांचा स्टाफ दाखल होते.

या घटनेची माहिती मिळताच शालेय शिक्षण मंत्री दीपक केसरकर यांनी आपल्या पदाधिकाऱ्यांना उपजिल्हा रुग्णालयाच्या ठिकाणी पाठवून तेथील व्यवस्था तसेच मदतकार्यात हातभार लावण्याच्या सूचना केल्या त्यानंतर त्या ठिकाणी जिल्हाधिकारी अशोक दळवी आणि त्यांच्या सहकाऱ्यांनी धाव घेत रुग्णालयाला आवश्यक औषध पुरवठा पुरविला. तर पालकमंत्री रवींद्र चव्हाण यांनीही सावंतवाडी व सांगेली या दोन्ही ठिकाणी जाऊन उपचार घेत असलेल्या विद्यार्थ्यांची विचारपूस केली तसेच विद्यार्थ्यांना धीर दिला यावेळी त्यांच्यासोबत माजी आमदार राजन तेली जिल्हाप्रमुख प्रभाकर सामंत उपस्थित होते.