🛑मारहाण करत धमकी त्यानंतर विनयभंग केल्याच्या आरोपातून आरोपींची निर्दोष मुक्तता..

✍🏼लोकसंवाद /- वेंगुर्ला.

मारहाण करत धमकी त्यानंतर विनयभंग केल्याच्या आरोपातून न्यायालयासमोर आलेला पुरावा याचा विचार करता वेंगुर्ले येथील प्रथमवर्ग न्यायदंडाधिकारी के. के. पाटील यांनी सबळ पुराव्याअभावी आरोपींची निर्दोष मुक्तता केली आहे.या विषयी अधिक माहिती अशी की,दिनांक ०५/०५/२०१८ रोजी संध्याकाळी ६.०० वाजण्याचे दरम्यान सदर गुन्ह्यातील फिर्यादी त्यांचे माडाच्या झाडाचे नारळ वेचण्यासाठी गेली असता यातील आरोपी गोविंद सिताराम रांजणकर याने आरोपी साक्षी रांजणकर व अमोल गोविंद रांजणकर यांना फिर्यादी हिस मारण्याची चिथावणी दिल्यामुळे आरोपी क्र. १ साक्षी अमोल रांजणकर ही फिर्यादीच्या अंगावर धावून गेली व माडाचा पडलेला नारळ घेवून फिर्यादी हिच्या डाव्या डोळ्यावर फेकून मारला तसेच आरोपी नं २- अमोल गोविंद रांजणकर याने फिर्यादीच्या अंगावर धावून जावून फिर्यादीने घातलेला गावून गळ्यात हात घालून फाडून ढकलून दिले.तसेच आरोपी नं. २ गोविंद रांजणकर याने फिर्यादी हिस अश्लील शिवीगाळ केली त्यामुळे फिर्यादीच्या मनाला लज्जा उपन्न झाली, म्हणून सर्व आरोपींविरुद्ध भा.द.वि कलम ३५४ (१) (४), ३५४ (ब), १०९, ५०६, ३३६ सह ३४ प्रमाणे वेंगुर्ले पोलीसांनी त्यांच्यावर गुन्हा दाखल केला.

फिर्यादी पक्षातर्फे एकूण ४ साक्षीदार तपासण्यात आले.आरोपीच्या म्हणण्यानुसार सदर घटनेच्या वेळी फिर्यादीने आरोपी नं. १ हिस मारहाण केल्याबद्दल पोलीसांकडे तक्रार दाखल केलेली होती.त्यामुळे केवळ सदर केसला शह देण्यासाठी फिर्यादी हिने ही खोटी केस दाखल केलेली होती.न्यायालयासमोर आलेला पुरावा याचा विचार करता वेंगुर्ले येथील प्रथमवर्ग न्यायदंडाधिकारी के. के. पाटील यांनी सबळ पुराव्याअभावी आरोपींची निर्दोष मुक्तता केली.आरोपीतर्फे अॅड. मिहीर श्रीकृष्ण उर्फ अजित भणगे, अॅड. स्वप्ना सामंत, अॅड. सुनिल मालवणकर, अॅड. तेजाली भणगे व अॅड. आशुतोष कुळकर्णी यांनी काम पाहिले.