🛑चिपी विमानतळावर विमानाची सेवा देणाऱ्या कंपनीची परिस्थिती नाजुक.; पालकमंत्री रविंद्र चव्हाण.

✍🏼लोकसंवाद /- कुडाळ,

मुंबई- चिपी विमानसेवा पाहणाऱ्या एअरलाईन्सची परिस्थिती नाजुक बनली असून सद्यस्थितीत केवळ ७ विमाने सुरू होती. त्यापैकी आता केवळ 4 विमानेच सुरू आहेत.अजुनही त्या एअर लाईन्सची परिस्थिती नाजुक बनत चालली आहे.चिपी विमानतळावरील सेवा सुरू राहण्यासाठी आमचे प्रयत्न सुरू आहेत.त्यासाठी केंद्रिय लघु सुष्म उद्दोगमंत्री नारायण राणे यांच्या प्रमाणे शिवसेना ठाकरे गटाचे खा.विनायक राऊत यांच्यासह आम्ही सर्व मंडळी प्रयत्न करत आहोत.असे पालकमंत्री रविंद्र चव्हाण यांनी कुडाळ येथील पत्रकार परिषदेत सांगितले.

कुडाळ एमआयडीसी येथे शनिवारी माध्यमांशी बोलताना पालकमंत्री रविंद्र चव्हाण यांनी याबाबत माहिती दिली.यावेळी जिल्हाध्यक्ष प्रभाकर सावंत, जिल्हा बँकेचे उपाध्यक्ष अतुल काळसेकर, महिला जिल्हाध्यक्षा सौ. संध्या तेरसे, कुडाळ भजापा तालुका अध्यक्ष संजय वेंगुर्लेकर ,भाई सावंत, राजु राऊळ, दिपक नारकर, श्रीपाद तवटे, चेतन धुरी,राजू राऊळ, आदि उपस्थित होते.

यावेळी बोलताना चव्हाण म्हणाले की, दि. १ सप्टेंबर पासून मुंबई ते चिपी सिंधुदुर्ग विमानसेवा सुरळीत होणे गरजेचे होते. यासाठी चिपी विमानतळा प्रश्नी बऱ्याच बैठका झाल्या. पूर्वी उडाण योजनेअंतर्गत एअरलायन्सची सेवा सुरू झाली होती. ज्या कंपनीला हा ठेका दिला होता.त्या एअरलायन्स कंपनीचा ठेका ऑक्टोबर पर्यंत आहे. मुंबई येथे चिपीसाठी एकच स्लॉट उपलब्ध आहे.