🛑सावंतवाडी पालिकेतील आरोग्य कर्मचाऱ्यांचा विशाल परबांकडून सन्मान..

✒️लोकसंवाद /- सावंतवाडी.

भाजपचे युवा नेते विशाल यांच्या पुढाकारातून सावंतवाडी नगरपालिकेतील आरोग्य विभागात कंत्राटी व कायमस्वरूपी पद्धतीने काम करणाऱ्या कर्मचाऱ्यांचा आरोग्यविषयक भेटवस्तू देऊन सन्मान करण्यात आला. यावेळी सावंतवाडी शहराची काळजी घेणाऱ्या या आरोग्य कर्मचाऱ्यांचा सन्मान करणे हे आमचे प्रथम कर्तव्य आहे. या भावनेतून आम्ही हा उपक्रम राबविला आहे, असे सांगत परब यांनी त्यांच्या कार्याचे कौतुक केले.भाजप स्थापना दिनाच्या निमित्ताने आयोजित करण्यात आलेल्या कार्यक्रमात हा उपक्रम राबविण्यात आला. यावेळी उपनगराध्यक्ष अॅड. अनिल निरवडेकर, नगरसेवक अॅड. सिद्धार्थ भांबुरे, माजी नगरसेवक राजू बेग, सोशल मिडिया प्रमुख केतन आजगांवकर, राजे प्रतिष्ठानचे शिवा गावडे, मंडल चिटणीस धिरेंद्र म्हापसेकर आदी उपस्थित होते.