🛑कविलकाटे येथे थ्री फेज लाईन मिळण्यासाठी समिल जळवी यांची आमदार निलेश राणे यांच्याकडे मागणी.

✒️लोकसंवाद /- कुडाळ.

कुडाळ शहरातील कविलकाटे प्रभाग क्रमांक १ मध्ये कविलकाटे येथील जिल्हा परिषद पूर्ण प्राथमिक शाळा कविलकाटे ते कविलकाटे मळेवाडी येथील श्री. दशरथ गावडे यांच्या घरापर्यंत महावितरणची थ्री फेज लाईन देणे बाबत कुडाळ -मालवण चे आमदार श्री निलेश नारायण राणे यांच्या जवळ कविलकाटे येथील सामाजिक कार्यकर्ते श्री.समिल प्रभाकर जळवी यांनी लेखी निवेदन देत थ्री फेज लाईन टाकून मिळावी अशी विनंती केली आहे.जिल्हा परिषद शाळा कविलकाटे ते श्री.दशरथ गावडे यांच्या घरापर्यत बरीच लोकांची घरे यात प्रमुख्याने लोकांचे छोटे, मोठे उदयोग पण सुरु आहेत तसेच,शेती पंप देखील आहेत. या भागात सिंगल फेज महावितरणची लाईन असल्याने लोकांना बऱ्याच अडचणीना सामोरे जावे लागते परिणामी लोकांच्या व्यवसायावर परिणाम होतो. शेती पंप चालत नाहीत त्यामुळे येथील लोकांची मागणी असल्यामुळे त्या ठिकाणी थ्री फेज लाईन मिळावी यासाठी श्री. समिल जळवी यांनी आमदर निलेश राणे यांच्या जवळ मागणी केली आहे.