🛑मधुरा मधुसूदन प्रभूकेळुसकर ठरल्या वालावल सौभाग्यवती’ च्या मानकरी..

◼️वालावल येथे ‘वालावल सौभाग्यवती’ स्पर्धेचा महासंग्राम.*

✒️लोकसंवाद /- कुडाळ.

कुडाळ तालुक्यातील वालावल येथील श्री देव लक्ष्मीनारायण मंदिर परिसरात युवा संघर्ष मित्रमंडळाने आयोजित वालावल सौभाग्यवती स्पर्धेत मधुरा मधुसूदन प्रभूकेळुसकर विजेत्या ठरल्या. वालावल सौभाग्यवती हा मानाचा किताब त्यांनी पटकावला.या आगळ्यावेगळ्या कार्यक्रमाला महिलांचा उत्स्फूर्त प्रतिसाद मिळाला.महिलांनी दाखविलेल्या उत्साहामुळे कार्यक्रमाने रंगत आणली.

युवा संघर्ष मित्रमंडळ ( वालावल ) सामाजिक,सास्कृतिक ,शैक्षणिक उपक्रमाचे आयोजन करीत असते. वालावल सौभाग्यवती’ 2026 (पर्व दुसरे ) स्पर्धेचा महासंग्राम 20 मार्च रोजी वालावल येथील लक्ष्मीनारायण मंदिराच्या परिसरात उत्साहात रंगला. या कार्यक्रमाचे उद्घाटन प्रमुख पाहुणे जिल्हा परिषद सदस्य रुपेश पावसकर यांच्या हस्ते करण्यात आले. पंचायत समिती सदस्या अर्चना बंगे, पंचायत समिती माजी सदस्य अतुल बंगे, सौ. रुद्रा पावसकर,अंगणवाडी सेविका श्रीमती आशा सावे, ग्रामपंचायत सदस्या श्रीमती कुंडेकर व देवस्थान कमिटीचे सदस्य गुरु देसाई आदी मान्यवरांची विशेष उपस्थिती होती.
एकूण सहा रोमांचक फेऱ्यांमध्ये रंगलेली ही स्पर्धा महिलांच्या विविध कलागुणांना वाव देणारी ठरली. यामध्ये काही स्पर्धात्मक फेऱ्या होत्या.ज्यात महिलांच्या कौशल्याची आणि बुद्धिमत्तेची कसोटी लागली, तर काही मनोरंजनात्मक फेऱ्यामध्ये उपस्थितांचे भरपूर मनोरंजन केले. वालावल गावच्या महिलांनी या सर्व फेऱ्यांमध्ये अतिशय उत्स्फूर्तपणे सहभाग घेतला आणि कार्यक्रमाचा आनंद द्विगुणित केला.या गावातील महिलांसाठी हा एक अविस्मरणीय कार्यक्रम ठरला.
अखेर या स्पर्धेत मधुरा प्रभूकेळुसकर वालावल सौभाग्यवतीच्या मानकरी ठरल्या.त्यांना श्री देव लक्ष्मीनारायण यांची सुरेख प्रतिमा आणि एक आकर्षक पैठणी देऊन गौरविण्यात आले. तसेच स्पर्धेत सहभागी प्रत्येक महिलेला मंडळाकडून आकर्षक भेटवस्तू देऊन त्यांच्यावर कौतुकाची थाप दिली. हळदी-कुंकू समारंभदेखील झाला.

कार्यक्रमाच्या यशस्वी आयोजनात युवा संघर्ष मित्रमंडळाचे अध्यक्ष करुणाकर राऊळ आणि सदस्य शसागर पाटकर, पूजा राऊळ, भाग्यश्री राऊळ, हेमंत वालावलकर आणि विशाल राऊळ यांनी महत्त्वाची भूमिका बजावली. कार्यक्रमाला वालावल ग्रामस्थ आणि महिला मोठ्या संख्येने उपस्थित होत्या. निवेदन सुनिल करवडकर यांनी केले.