🛑नेमळे येथील तरुणाची गळफास घेत आत्महत्या..

✒️लोकसंवाद /- सावंतवाडी.

सावंतवाडी तालुक्यातील नेमळे – गावकर कुंभारवाडी येथील गीतेश भिवा राऊळ (३६) याने आजारपणाला कंटाळून घराच्या लाकडी वाशाला गळफास लावून आत्महत्या केली. ही घटना आज बुधवारी पहाटेच्या सुमारास घडली. आत्महत्येपूर्वी गीतेशने वाडीतीलच आपल्या दोन मित्रांना फोन रून मी माझ्या जीवाला कंटाळून आत्महत्या करत आहे असे सांगितले. मात्र , मित्र घरी पोहोचेपर्यंत गीतेशने आपली जीवनयात्रा संपवली होती. नेमळे- गावकर कुंभारवाडीत गीतेश आपल्या कुटुंबासमवेत राहत होता.गेली तीन ते चार वर्षापासून तो कंबरेच्या आजाराने त्रस्त होता. अलीकडेच त्याचे कंबरेचे ऑपरेशनही झाले होते. डंपर चालक असलेला गीतेश ऑपरेशन झाल्यामुळे ड्रायविंग करीत नव्हता. ऑपरेशन करूनही बरे वाटत नसल्याने पुढील ऑपरेशनसाठी पैसे कुठून आणणार असा प्रश्न त्याला सतावत होता. अखेर बुधवारी पहाटे मित्रांना फोनवरून कल्पना देऊन गीतेशने आपले आयुष्य संपवले. गीतेशच्या पश्चात आई ,वडील, भाऊ भावजय ,दोन पुतणी, एक पुतण्या असा परिवार आहे. या प्रकरणाचा अधिक तपास सावंतवाडी पोलीस ठाण्याचे सहाय्यक पोलीस निरीक्षक जयेश खंदरकर , हवालदार दीपक शिंदे ,निलेश मोरबाळे , श्री सावळ करीत आहेत.वेब स्टोरी