🛑आडारी ब्राह्मण मंदिर येथे जागतिक महिला दिन साजरा.

✒️लोकसंवाद /- वेंगुर्ला.

रविवार दिनांक 08मार्च 2026 रोजी आडारी ब्राह्मण मंदिर येथे सलग तिस-या वर्षी जागतिक महिलादिन विविध कार्यक्रमांनी दिमाखात संपन्न झाला.

आडारी गावातील सर्व महिला भगिनींनी एकत्र येत या कार्यक्रमाचे आयोजन केले.या कार्यक्रमाचे उद्घाटन कार्यक्रमाच्या अध्यक्षा सौ.राजश्री मुरलीधर पेडणेकर यांचे शुभहस्ते हस्ते करण्यात आले.यावेळी व्यासपीठावर श्री.विरेंद्र कामतआडारकर,श्री आनंद पेडणेकर, श्री.मुरलीधर पेडणेकर,श्री रविंद्र पेडणेकर श्री.पांडुरंग साधले भटजीआणि श्री मंगेश पेडणेकर आदी मान्यवर उपस्थित होते.यावेळी कार्यक्रमाच्या अध्यक्षासौ.राजश्री पेडणेकर यांचा शाल श्रीफळ आणि गुलाब पुष्प देऊन सत्कार करण्यात आला.त्याचप्रमाणे श्री.विरेंद्र कामतआडारकर यांनी महिला मंडळास 50,000/- रुपयांची साऊंड सिस्टीम उपलब्ध करून दिल्याबद्दल त्यांना शाल ,श्रीफळ आणि गुलाबपुष्प देऊन त्यांना सन्मानित करण्यात आले.

या कार्यक्रमाच्या सुरुवातीला आडारी गावातील 07 ज्येष्ठ महिलांना शाल,श्रीफळ आणि गुलाब पुष्प देऊन सन्मानित करण्यात आले.

महिला दिनानिमित्त आडारी महिला भगिनींनी विविध सांस्कृतिक कार्यक्रम सादर करून प्रेक्षकांची मने जिंकली.

यानिमित्ताने सर्व महिलांनी उखाणे घेतले. महिलांसाठी विविध फनीगेमस् चे आयोजन करण्यात आले. विजेत्या महिलांना भेट वस्तू देऊन गौरविण्यात आले.

कार्यक्रमाच्या यशस्वीतेसाठी सर्व महिला भगिनींनी परिश्रम घेतले.शेवटी उपस्थित सर्वांचे आभार मानून कार्यक्रमाची सांगता करण्यात आली.