🛑इमारत बांधकाम कामगारांना “अत्यावश्यक संच” कीटचे वितरण.

◼️महाराष्ट्र इमारत व इतर बांधकाम कामगार कल्याण मंडळांतर्गत शासनाचा उपक्रम.

✒️लोकसंवाद /- ओरोस.

इमारत व इतर बांधकाम क्षेत्रात काम करणाऱ्या कामगारांच्या कल्याणासाठी तसेच त्यांच्या कुटुंबियांच्या आरोग्य, सुरक्षा आणि कल्याणसाठी कामगार विभागाकडून अनेक योजनांची अंमलबजावणी केली जात आहे.नोंदीत कामगारांसाठी मंडळाकडून यापूर्वी ग्रुहपयोगी वस्तु भांडी संच व सुरक्षा संच योजनेचा लाभ देण्यात आलेला आहे. यामध्ये नवीन योजनेचा समावेश झाला असून आता नोंदीत बांधकाम कामगारांना अत्यावश्यक संच (Essencial kit) वितरण केले जाणार आहे. याचा शुभारंभ रविवार दि. 01 मार्च 2026 रोजी ओरोस येथे करण्यात आला.यावेळी भारतीय मजदूर संघांचे प्रदेश सचिव हरी चव्हाण, स्वाभिमान कामगार संघटनेचे संस्थापक अध्यक्ष प्रसाद गावडे,जिल्हा परिषद सदस्या सौ सुप्रिया वालावलकर, ठेकेदार संघटना उप जिल्हाध्यक्ष अमोल जंगले,भारतीय मजदूर संघ जिल्हा उपाध्यक्ष अशोक घाडीगावकर,उद्योजक संतोष वालावलकर आदी उपस्थित होते.या अत्यावश्यक संचामध्ये पत्र्याची पेटी (Galvanized Trunk),प्लास्टिकची चटई (Plastic Mat), धान्य साठवण कोठी (क्षमता २५ किलो) (Grain Storage Tank) (Capacity 25 Kg), धान्य साठवण कोठी (क्षमता २२ किलो) (Grain Storage Tank) (Capacity 22 Kg), बेडशीट (Bedsheet), चादर (Chaddar), ब्लॅकेट (Blanket), साखर ठेवण्यासाठीचा डबा (क्षमता १ किलो) (एसएस २०२) (Sugar Container) (1 Kg) (SS 202), चहा पावडर ठेवण्यासाठीचा डबा (क्षमता ५०० ग्रॅम) (एसएस २०२) (Tea Container) (500 gram) (SS 202), वॉटर प्युरिफायर (१८ लिटर) (Water Purifier) (18 ltr) (SS 202) with 2 candle या वस्तूंचा समावेश आहे.पहिल्या टप्प्यात 800 कामगारांना अत्यावश्यक किटचे वाटप करण्यात आले.