🛑सिंधुदुर्ग किल्ला स्वच्छते च्या मोहिमेसाठी जिल्ह्यात आलेले खासदार निलेश लंके यांचे जिल्हाध्यक्ष अमित सामंत यांच्याकडून करण्यात आले स्वागत.

✒️लोकसंवाद /- सिंधुदुर्ग.

राष्ट्रवादी काँग्रेस पक्षाचे शरद पवार गटाचे खासदार मा.श्री.निलेश लंके यांनी मावळा छत्रपती शिवाजी महाराजांच्या गडकिल्ल्यांची स्वच्छता, संवर्धन आणि पर्यावरण जतन करण्यासाठी मोहीम सुरू केलेली आहे. याचाच एक भाग म्हणून खासदार श्री.निलेश लंके यांनी सिंधुदुर्ग जिल्ह्यातील मालवण येथील सिंधुदुर्ग किल्ला स्वच्छतेच्या मोहिमेसाठी सिंधुदुर्ग जिल्हयात येऊन स्वच्छते योगदान दिले. यावेळी सिंधुदुर्ग जिल्ह्यात आलेल्या खासदार श्री.निलेश लंके यांचे राष्ट्रवादी काँग्रेस पार्टी शरद पवार गटाचे जिल्हाध्यक्ष श्री अमित सामंत यांनी त्यांचे स्वागत केले.आणि या स्वच्छता मोहिमेत श्री अमित सामंत आणि त्यांच्या सहकाऱ्यांनी स्वच्छता मोहिमेत सहभाग घेऊन स्वच्छता मोहीम यशस्वी केली.

किल्ले शिवनेरी पासून सुरू झालेली ही मोहीम सिंहगड, प्रतापगड, रायगड, भुदरगड, विश्रामगड इत्यादी किल्ल्यांवर राबवून या मोहिमेद्वारे स्वच्छता आणि संवर्धन करण्याचे काम केले आहे. अशा प्रत्येक मोहिमेत युवक, समाज प्रबोधक सहभाग मोठ्या प्रमाणात दिसुन आला. खासदार निलेश लंके यांच्या स्वच्छता मोहिमेत सिंधुदुर्ग जिल्ह्यातील राष्ट्रवादी काँग्रेस पार्टी शरद पवार गटाचे सर्व पदाधिकारी आणि कार्यकर्ते मोठया संख्येने या मोहीमेत सहभागी झाले होते.खासदार श्री. लंके आणि सर्व पदाधिकारी आणि कार्यकर्ते यांचे जिल्हाध्यक्ष श्री अमित सामंत यांनी आभार मानले.