🛑नागरीकांनी वेळीच धावपळ केल्याने दोडामार्ग येथील बालाजी बेकर्स मध्ये लागलेल्या आगीत मोठा अनर्थ टळला.

✒️लोकसंवाद /- दोडामार्ग.

दोडामार्ग बाजारपेठ मध्ये शनिवारी सायंकाळी पाच वाजण्याच्या सुमारास बालाजी बेकर्स बेकरी मध्ये पाठीमागे समोसा जिलेबी बनवणे काम सुरू असताना वीज वायर मध्ये शॉटसर्कीट होऊन आग पेटली सिलेंडर पाईप पेटला आणि धुराचे लोट निघाले यावेळी दोडामार्ग बाजारपेठ मधिल नागरीकांनी धावपळ करत हुक लावून पेटता सिलेंडर बाहेर काढून वीजवला इतर ठिकाणी पाणी मारून आगीवर नियंत्रण मिळवल्याने मोठा अनर्थ टळला आग भडकली असती तर आजुबाजूच्या दुकाने घरे याना फटका बसला असता दुकानात अग्निशमन सिलेंडर नसल्याने पुन्हा समोर आले आहे. दोडामार्ग नगरपंचायत याबाबत कठोर भूमिका घेणार काय? आग लागली हे समजताच मोठी गर्दी झाली होती.

दोडामार्ग बाजारपेठ मध्ये काही परराज्यातील इसमाने बालाजी बेकर्स बेकरी दुकान सुरू केले आहे. या बेकरी मध्ये छोटया खानी जागेत काही बेकरी पदार्थ समोसा, जिलेबी बनवले जातात या ठिकाणी सुरक्षेसाठी कोणत्याही प्रकारची उपाययोजना नाही बाहेर पडण्यासाठी जागा अपुरी आतमध्ये मध्ये अडथळा निर्माण करुन ठेवला आहे.

शनिवारी पाच वाजण्याच्या सुमारास या बेकरी मध्ये विधुत वायर यांनी पेट घेतला. आणि सुरू असलेल्या गॅस सिलेंडर पाईप यांनी पेट घेतला आग भडकली यामुळे एकच धावपळ उडाली. दोडामार्ग बाजारपेठ मधिल व्यापारी सामाजिक कार्यकर्ते यांनी धाव घेऊन सिलेंडर बाहेर काढून आग विझवली या नंतर पाणी आणून आग विझवली यावेळी बेकरी मालकाची लहान मुलगी बाहेर होती. ती या ठिकाणी नव्हती आग लागल्यावर बेकरी मालक याची पत्नी आतमध्ये जात होती तिला रोखले.

दोडामार्ग बाजारपेठ मधिल व्यापारी सामाजिक कार्यकर्ते यांनी वेळीच पाणी मारले आग विझवली यामुळे मोठी हानी टळली. यावेळी नगरपंचायत अग्निशमन दल बंब बोलावला. पण चालक हा कचरा गोळा करण्यासाठी जातो नगरपंचायत मध्ये चालक भरती नाही यामुळे गाडी कर्मचारी चालवतात तरी ती दाखल झाली तोपर्यंत आग विझवली होती.