🛑सिंधुदुर्गातील काजू उत्पादकांना विनंती आहे दर स्थिर राहण्यासाठी फक्त गरजेपुरताच काजू विका.

✒️लोकसंवाद /- सिंधुदुर्ग.

सिंधुदुर्ग बागायतदार प्रोड्युसर कंपनीकडून मागील वीस दिवसापासून सभासदांची काजू खरेदी चालू आहे.मार्केटमध्ये जेव्हा 150 रुपये दर जाहीर केला त्याचवेळी सिंधुदुर्ग बागायतदार पुढे सरले 180 रुपयांनी काजू खरेदी सुरू केली.यामध्ये सभासदातील अनेक शेतकऱ्यांनी दोनशे रुपये किलो खरेदीची मागणी केली परंतु बाजार भावही बघणे आवश्यक आहे शिवाय परदेशातील काजू मार्केटमध्ये आली आहे या सर्व परिस्थितीचा विचार करता सुरुवातीला 180 रुपयांनी काजू खरेदी करणे भाग पडले .सर्व शेतकऱ्यांना विनंती आहे की गरजेपुरती काजू विक्री करून बाकी काजूचा स्टॉक करावा जेणेकरून मार्केटमध्ये काजूची आवक बंद झाली की मार्केट नियमाप्रमाणे दर,वधारेल.गेल्यावर्षी एक फेब्रुवारीला कुंब्रल गावचे सरपंच श्री अमित सावंत व त्यांचे काका श्री उत्तम सावंत व इतरांची नऊ क्विंटल काजू खरेदी झाली होती .यंदाही अमित सावंत यांच्या परिवारातील श्री उत्तम सावंत श्री राजाराम सावंत श्री जयानंद सावंत इत्यादी कडून 180 रुपयाने दिनांक सहा फेब्रुवारीला 12 क्विंटल काजू खरेदी करण्यात आल्या .सर्व काजू उत्पादकांना विनंती आहे दर स्थिर राहण्यासाठी फक्त गरजेपुरताच काजू विका.आपला स्नेहांकित श्री विलास सावंत श्री विलास सावंत – डिंगणे.