🛑गोवा बनावटी दारू वाहतूक प्रकरणी एक ताब्यात,इन्सुली एक्साईजची कारवाई.;५५ लाखाचा मुद्देमाल जप्त.

🖋️लोकसंवाद /- बांदा.

बांदा येथे राज्य उत्पादन शुल्क विभागाने मोठी कारवाई केली असून गोव्यातील अवैध मद्याची वाहतूक करणारा एक कंटेनर पकडला आहे.या कारवाईत सुमारे ५० लाख ६६ हजारांचा मुद्देमाल जप्त करण्यात आला असून गुजरात येथील एकाला अटक करण्यात आली आहे. याज्ञेशकुमार राजेंद्रकुमार शुक्ला (वय ५०, रा. गुजरात) असे त्याचे नाव आहे. या कारवाईत ४० लाख ५६ हजार रुपयांचे मद्य आणि १० लाख रुपये किमतीचे वाहन, १० हजारचा मोबाईल असा एकूण ५० लाखांहून अधिकचा साठा जप्त केला आहे.मिळालेल्या माहितीनुसार, गोवा-मुंबई राष्ट्रीय महामार्गावर तपासणीनाक्या समोर इन्सुली तपासणी नाक्याच्या पथकाने ही कारवाई केली. गोव्याकडून अशोक लेलैंड कंपनीच्या चॉकलेटी रंगाच्या सहाचाकी बंद बॉडीच्या कंटेनर संशयास्पदरीत्या येत असल्याची गोपनीय माहिती पथकाला मिळाली होती.त्यानुसार गुरुवारी रात्री साडेदहाच्या सुमारास पोलिसांनी या वाहनाची झडती घेतली.यावेळी वाहनाच्या मागील गोवा बनावटीच्या विदेशी मद्याचे बॉक्स लपवून ठेवल्याचे उघड झाले. त्याच्यावर महाराष्ट्र दारूबंदी कायद्यांतर्गत गुन्हा दाखल करून कारवाई करण्यात आली आहे.

ही कारवाई राज्य उत्पादन शुल्क विभागाचे निरीक्षक मिलींद गरुड,धनंजय साळुंखे दुय्यम निरीक्षक,विवेक कदम दुय्यम निरीक्षक, रणजीत प्रेम नि. वाहन चालक, दिपक वायंदे प्रेम, सागर सूर्यवंशी, अभिषेक खत्री स्त्री, सतीश चौगुले यांनी केले. सदर प्रकरणी पुढील तपास धंनजय साळुंखे, दुय्यम निरीक्षक तपासणी नाका इन्सुली हे करीत आहेत.