🛑सा.बां.मधील मालवण उपविभाग कार्यालयातील कनिष्ठ अभियंता श्री.सुरज गिरी यांना तांत्रिक संवर्ग विभागातून पुरस्कार जाहीर.

🖋️लोकसंवाद /- मालवण.

आद्यअभियंता भारतरत्न डॉ. मोक्षगुंडम विश्वेश्वरय्या यांच्या जयंतीदिनी १५ सप्टेंबर रोजी भारतात राष्ट्रीय अभियंता दिन साजरा केला जातो.अभियंता दिनाच्या पार्श्वभूमीवर सार्वजनिक बांधकाम विभागातील राज्यातील तांत्रिक व अतांत्रिक संवर्गातील अधिकारी व कर्मचाऱ्यांना त्यांच्या उल्लेखनीय कामगिरीबद्दल वैयक्तिक पुरस्काराने गौरविण्यात येते. सावंतवाडी सा.बां.विभाग मधील मालवण उपविभाग कार्यालयातील कनिष्ठ अभियंता, श्री. सुरज धनराज गिरी यांना तांत्रिक संवर्ग (स्थापत्य) या विभागातून हा पुरस्कार जाहीर झाला आहे.
1. राजकोट येथील छत्रपती शिवाजी महाराज यांचा पुतळा उभारणे या शासनाच्या १०० दिवसांच्या महत्त्वाकांक्षी कार्यक्रमाअंतर्गत समाविष्ठ असलेल्या संवेदनशील कामावर पूर्ण वेळ उपस्थित राहून बांधकामावर देखरेख ठेवण्याचे काम केले. यामध्ये रात्रीसुध्दा काम चालू असताना ते विना अडचण व सुरळीतपणे चालू राहण्यासाठी स्थानिक प्राधिकरणांबरोबर समन्वय साधून प्रयत्न केला.
2. सार्वजनिक बांधकाम उपविभाग, सिंधुदुर्गनगरी या उपविभागातील दक्षता व गुणनियंत्रण मंडळाकडील २००५ पासून ते २०१९ पर्यंत ऑफलाईन प्रलंबित असलेले एकूण ३५ निरीक्षण ज्ञापन बंद केले. त्याबद्दल मा. अधीक्षक अभियंता यांचेकडून सन्मानपत्र देऊन सन्मानित करण्यात आले.
तसेच सार्वजनिक बांधकाम विभागाकडून रस्ते, पूल, विविध विभागांच्या इमारती व इतर सार्वजनिक बांधकाम करण्यात येते. इमारती रस्ते पूलांची संकल्पना तयार करून संगणकाच्या द्वारे संकल्पचित्र बनवताना तसेच सार्वजनिक इमारतीची विद्युतीकरणाची कामे करताना आणि प्रकल्प राबवताना अभियंत्यांचे तांत्रिक कौशल्यपणास लागते. अशा कल्पक अभियंत्यांची सेवा समाजाला फायद्याची ठरते. त्यामुळे राज्य शासनाकडून अशा अभियंत्यांना अभियंता दिनाच्या पार्श्वभूमीवर सन्मानित करण्यात येते. श्री. सुरज धनराज गिरी यांना हा पुरस्कार जाहीर झाल्याबद्दल त्यांचे अभिनंदन केले जात आहे.