🛑तळगाव येथे रोटरी क्लब ऑफ कुडाळ प्रायोजित दहावीच्या विद्यार्थ्यांना शैक्षणिक अँप तसेच पालक व ग्रामस्थांना फळ झाडांची रोपे वाटप कार्यक्रम संपन्न.

🖋️लोकसंवाद /- मालवण.

तळगाव हितवर्धक संघ मुंबई संचालित श्री रामेश्वर माध्यमिक विद्यालय तळगाव येथे शनिवार दिनांक २ ऑगस्ट २०२५ रोजी सकाळी रोटरी क्लब ऑफ कुडाळ तर्फे इयत्ता दहावीच्या विद्यार्थ्यांना शैक्षणिक अँप चे वितरण व माहिती तर विद्यार्थी,पालक व ग्रामस्थांना २०० झाडांची रोपे वाटप करण्यात आली. या कार्यक्रमासाठी रोटरी क्लब कुडाळ चे प्रेसिडेंट
श्री.राजीव पवार,सचिव श्री.मकरंद नाईक,क्रेडाई सिंधुदुर्ग चे अध्यक्ष श्री.गजानन कांदळगावकर, रोटरी सिंधुदुर्ग चे असिस्टंट गवर्नर Rtn.श्री.सचिन मदने, तळगाव हितवर्धक संघ मुंबई चे माजी अध्यक्ष श्री.सूर्यकांत दळवी, शालेय व्यवस्थापन समितीचे अध्यक्ष श्री.उत्तम दळवी, सदस्य श्री.विष्णु प्रसाद दळवी, मुख्याध्यापिका सौ.शैलजा शिरोडकर, सरपंच कु.लता खोत तसेच पालक, ग्रामस्थ, शिक्षक, कर्मचारी व विद्यार्थी उपस्थित होते.

या कार्यक्रमाची सुरुवात दीपप्रज्वलन करून व सरस्वतीच्या मूर्तीला पुष्पहार अर्पण करून करण्यात आली. या कार्यक्रमासाठी उपस्थित असलेल्या रोटरी क्लब च्या पदाधिकाऱ्यांचे विद्यालयाच्या वतीने शाल, श्रीफळ व पुष्पगुच्छ देऊन सन्मान करण्यात आला.कार्यक्रमाचे सूत्रसंचालन शिक्षक श्री.मकरंद जैतापकर यांनी तर प्रास्ताविक श्री.उत्तम दळवी यांनी केले.

रोटरी क्लब च्या पदाधिकाऱ्यांच्या हस्ते शैक्षणिक अँप चे अनावरण व वितरण झाले. सचिव श्री.मकरंद नाईक यांनी विद्यार्थ्यांना अँप चे फायदे व योग्य वापरा संदर्भात विस्तृत प्रमाणात मार्गदर्शन केले. रोटरी क्लब चे अध्यक्ष श्री.राजीव पवार, असिस्टंट गवर्नर Rtn.श्री.सचिन मदने, क्रेडाई सिंधुदुर्ग चे अध्यक्ष श्री.गजानन कांदळगावकर यांनी उपस्थिता समोर आपले मनोगत व्यक्त केले व विद्यार्थ्यांना मार्गदर्शन देखील केले. रोटरी क्लब च्या पदाधिकारी यांच्या हस्ते उपस्थित विद्यार्थी, पालक व ग्रामस्थांना आंबा, काजू, नारळ, सुपारी, जांभुळ व चाफा ईत्यादी झाडांच्या रोपांचे वाटप केले व विद्यालयाच्या परिसरात वृक्षारोपण देखील केले. मुख्याध्यापिका सौ. शैलजा शिरोडकर यांनी उपस्थितांचे आभार व्यक्त केले व रोटरी क्लब च्या पुढील कार्यासाठी शुभेच्छा प्रदान केल्या.