🛑हळबे महाविद्यालयात अमली पदार्थ विरोधी दिन संपन्न.

🖋️लोकसंवाद /- दोडामार्ग.

दोडामार्ग येथील लक्ष्मीबाई सिताराम हळबे महाविद्यालयात अमली पदार्थ विरोधी दिन संपन्न झाला . पाश्चात्य संस्कृतीचा प्रभाव आजच्या तरुण वर्गावर पडल्यामुळे काही तरुण पिढी शॉर्टकट सुखाच्या शोधात असतात मूल्य शिक्षणाचा अभाव यामुळे तरुण पिढी भरकटच आहे ते अमली पदार्थाच्या आहारी गेलेले आहेत अशावेळी त्यांनी चांगलं जीवनमान जगायचं असेल तर अशा व्यसनापासून दूर राहायला पाहिजे तरच देश शक्तिशाली बनेल असे मत दोडामार्ग पोलीस ठाण्याचे पोलीस निरीक्षक श्री हेमचंद्र खोपडे यांनी मांडले महाविद्यालयाचे प्राचार्य डॉक्टर सुभाष सावंत यांनी चांगल्या व्यक्तींची संगत करा ,चांगले संस्कार लावून घ्या पालकांनी आपल्या मुलांच्या सवयीवर लक्ष ठेवा असे मत मांडले.

यावेळी व्यासपीठावर महाविद्यालयाचे प्राचार्य डॉक्टर सुभाष सावंत, आय क्यू एसी चे प्रा. दिलीप बर्वे ,पोलीस कर्मचारी मनाली कुबल , पोलीस कॉन्स्टेबल श्री .गवस राष्ट्रीय सेवा योजना चे कार्यक्रमाधिकारी डॉक्टर
संजय
खडपकर, महाविद्यालयाचे प्राध्यापक, प्राध्यापिकेतर कर्मचारी, विद्यार्थी उपस्थित होते कार्यक्रमाचे सूत्रसंचालन व प्रस्ताविक डॉक्टर संजय खडपकर तर आभार डॉक्टर प्रज्ञाकुमार गाथाडे यांनी मानले.