🛑तिलारी कालव्यात महिलेचा मृतदेह सापडला.

🖋️लोकसंवाद /- दोडामार्ग.

कसई दोडामार्ग गावठणवाडी येथील वयोवृद्ध महिला सुलोचना प्रभाकर साळकर वय वर्षे ८० ही गुरुवारी दुपारी नजीकच्या आपल्या शेतात गेली होती.सायंकाळी साडेसहा वाजले तरी ती घरी आली नव्हती. नातेवाईक यांनी शोध घेऊन देखील ती सापडली नव्हती. त्यामुळे ती कालव्यात पडली असावी या संशयावरून कालव्याचे पाणी बंद करून शुक्रवारी सकाळी शोधाशोध सुरू केली असता तिलारी डाव्या कालव्यात मृतदेह आढळून आला. याची खबर दोडामार्ग पोलीस ठाण्यात दिली. या नंतर घटनास्थळी पोलीस दाखल झाले. ग्रामस्थ यांच्या मदतीने मृतदेह बाहेर काढून तो शवविच्छेदन करण्यासाठी दोडामार्ग ग्रामीण रुग्णालय नेण्यात आला. यावेळी ग्रामस्थ उपस्थित होते. दोडामार्ग पोलीस ठाण्यात आकस्मिक मृत्यू नोंद करण्यात आली आहे.