🛑शरद गावडे यांचा सेवानिवृती निमित्त तिरवडे येथे सन्मान!.

🖋️लोकसंवाद /- मसूरे.

ग्रामपंचायत तिरवडे कर्मचारी शरद गावडे हे वयोमानानुसार सेवानिवृत्त झाल्याने ग्रामपंचायत व गावाच्या वतीने त्यांचा तिरवडे येथे सत्कार समारंभ आयोजित करण्यात आला होता. याप्रसंगी स्वागतगीत सिआरपी सौ जामसांडेकर यांनी तर श्री जयेंद्र बुधाजी परब यांनी प्रास्ताविक केले.
शरद वसंत गावडे यांनी 29 वर्षे केलेल्या कामकाज बाबत व सेवेबाबत सरपंच सौ.रेश्मा उमेश गावडे, श्री.जयेंद्र परब यांनी मनोगत व्यक्त केले. माजी ग्रामपंचायत अधिकारी सुशांत चौगले कोल्हापूर येथून उपस्थित राहत शुभेच्छा दिल्या. खोटले ग्रामपंचायत अधिकारी श्री.कृष्णाची दळवी यांनी श्री गावडे यांनी खुप कमी पगारात काम केले आणि गावासाठी खुप चागली सेवा दिली असे सांगत त्यांच्या पुढील वाटचालीस शुभेच्छा दिल्या. विद्यमान ग्रामसेवक श्री लक्ष्मण सरमळकर, श्री विनोद रावले, ग्रामपंचायत सदस्य श्री सुमित मेस्त्री, कृषीसहाय्यक पवनकुमार सौगंडे यांनी सुद्धा मनोगत व्यक्त केले व भावी वाटचालीसाठी शुभेच्छा दिल्या.
यावेळी उपसरपंच श्री सुशिल गावडे, ग्रामपंचायत सदस्या विशाखा गावडे, विनया गावडे, सायली गावडे, तंटामुक्ती अध्यक्ष श्री विकास गावडे, पोलीस पाटील श्री संतोष जामसांडेकर, दाजी सावंत, गौरव सावंत, करुणा भोसले, साक्षी गावडे, राजा गावडे आदी ग्रामस्थ महिला तसेच शरद गावडे यांचे कुटुंबीय उपस्थित होते. श्री जयेंद्र परब यांनी आभार मानले.